قىزمەتتىك تەكسەرىس ناتيجەسىندە، ۇيىمداسقان قىلمىستىق توپتارمەن بايلانىسقان دەگەن كۇدىككە ىلىنگەندەر ىشكى ىستەر ءمينيسترىنىڭ جارلىعىمەن جۇمىستان شىعارىلدى. شۋ وبلىستىق جانە بىشكەك قالالىق ميليتسياسىنىڭ ەكى قىزمەتكەرى، سونداي-اق ىستىق-اتا ميليتسياسىنىڭ ۋچاسكەلىك قىزمەتكەرى جۇمىستان بوسادى.

شۋ وبلىستىق ميليتسياسىنىڭ جوعارى لاۋازىمدى ەكى باسشىسى قىزمەتتەن شەتتەتىلسە، وسى مەكەمەنىڭ تاعى ءبىر قىزمەتكەرى سىرقاتىنا بايلانىستى دەمالىستان شىققان سوڭ جۇمىستان كەتەدى.

ءىىم ءباسپاسوز قىزمەتىنىڭ جەتەكشىسى باقىت سەيىتوۆتىڭ ايتۋىنشا، بۇعان دەيىن قۇقىققورعاۋ ورگاندارىنىڭ قىزمەتىنە كىر كەلتەرۋشىلەر تۋرالى ايتىلىپ قانا كەلسە، ونى دالەلدەيتىن فاكتىلەر 2010 جىلدان بەرى ءبىرىنشى رەت انىقتالىپ وتىر.

«قىزمەتتىك تەكسەرىس ءالى اياقتالعان جوق. جۇمىستان شىعارىلعاندارعا قىلمىستىق ءىس قوزعاۋ-قوزعاماۋ ماسەلەسى تەكسەرىس بىتكەن سوڭ قابىلدانادى»، - دەدى ول.

ىشكى ىستەر ءمينيسترى كاشكار جۋنۋشاليەۆ جەمقور ميليتسيا قىزمەتكەرلەرىن اشكەرەلەۋ جۇمىستارى ۇنەمى جۇرگىزىلىپ وتىرادى دەپ مالىمدەدى.