ءدىندارلار الەمنىڭ جاراتىلۋىن "اللا جاسىرىن قازىنا ەدى. ءوزىن تانىتقىسى كەلدى..." دەپ باستالاتىن ءتامسىل ارقىلى تۇسىندىرەدى. الايدا ادامنىڭ جاراتىلۋىنداعى ماقسات - اللانى تانىتۋ ەكەندىگى كوپ ايتىلا بەرمەيدى. راس، ادام مەن جىننىڭ اللاعا قۇلشىلىق ەتۋى ءۇشىن جاراتىلعاندىعى تۋرالى ايات بار. سوندا ءبىز جاراتىلۋ ءمانى دەپ ۇعىندىرىلاتىن قۇلشىلىقتى قالاي تۇسىنەمىز؟

ەگەر اللاعا جاساۋعا لايىق ەڭ باستى قۇلشىلىقتى ساجدە دەپ قابىلداساق، وندا ءبىز ءومىر سالتىمىزدى سوعان لايىق ەتىپ قۇرۋعا تىرىسقان بولار ەدىك. پايعامبارلار دا بىزگە سونداي ءومىر سالتىن قالىپتاستىرعان بولار ەدى. دەمەك ءبىز قۇلشىلىق ءمانىن تولىقتاي ۇعىنا قويعان جوقپىز. سەبەبى عيباداتقا ءبولىپ جۇرگەن ۋاقىتىمىز تىم از. ياعني، ءبىز تۇسىنگەن قۇران اياتىنا ۇيلەسپەيدى. سوندىقتان ءبىز قۇلشىلىقتى قىزمەت دەپ قابىلدايمىز. جاي قىزمەت ەمەس، اللالىق قىزمەت. ءمان بەرسەك، مىنا الەم اللانىڭ ءامىرى ارقىلى جۇزەگە اساتىن قالتىقسىز قىزمەتكە باعىندىرىلىپ تۇر. ادامعا ءتان بارلىق ءىس - ارەكەتتىڭ نەگىزى - اللا. ونى اتالارىمىز ءبىر اۋىز سوزبەن "قۇدايسىز قۋراي دا سىنبايدى" دەگەن. ءبىز قۇلشىلىق دەپ وسى اللالىق قىزمەتتىڭ ادامعا الماسۋىن ايتامىز. ادامنىڭ جاراتىلىستىق تابيعاتى راxمان راxيمگە لايىقتالعان.

دالەل قاجەتتىلىگى ءۇشىن ايتارىمىز، اللانىڭ ادامدى وزىنە ۇقساستىرا جاراتقاندىعى تۋرالى ايات. قوش، سونىمەن ادام اللالىق ول سيپاتقا قاشان قول جەتكىزەدى؟ دۇرىس. كامىل يxسان بولعان كەزدە. ال وعان ءبىز قالاي قول جەتكىزەمىز؟ تاعى دا دۇرىس. ءناپسىمىز مۇسىلمان بولعان كەزدە. سوڭعى ساۋال. ءناپسى مۇسىلماندىعى قالاي ايقىندالادى. ءيا، اللانىڭ ءبىزدى نە ءۇشىن جاراتقانىن بىلگەن كەزدە.

عيباداتىمىزدى قۇلشىلىق دەپ قابىلداساق، ونى ۇدايى جاساپ جۇرمەگەندىگىمىز وزىمىزگە ءمالىم. ال باسقا تىرشىلىك قامى ءۇشىن جاساپ جاتقان ءىس-ارەكەتتەرىمىز جوعارىدا ءبىز كەلتىرگەن اياتقا سايكەس كەلە بەرمەيدى. ول اياتتى باسقاشا ءوز ىڭعايىمىزعا وراي تاپسىرلەۋگە، كىم دە بولسىن تاۋەكەل ەتە قويمايدى. سوندىقتان بىزگە جۇكتەلگەن مىندەت اللالىق قىزمەتتى اتقارۋ ەكەندىگىن قابىلداۋىمىزعا تۋرا كەلەدى.

ۇعىنىقتىلىق ءۇشىن ايتايىق. انا بالاسى ءۇشىن وتقا دا، سۋعا دا تۇسەدى. انانىڭ بالاسىنا دەگەن وسى ادامي بولمىس بۇكىل ادامزاتقا مەيرىممەن قاراۋعا الماسقاندا ول اللالىق قىزمەتكە ۇلاسادى. ول سيپاتتاردىڭ نەگىزى ءبىزدىڭ بويىمىزدا بار. ول تەك ءبىزدىڭ جەكە مۇددەمىزگە قىزمەت اتقارادى. ءبىز تەك سونى بۇكىل ادامزاتقا جاقسىلىق جاساۋعا لايىقتى ەتىپ قايتا قۇرا الساق بولدى. قۇلدىق قىزمەت دەگەنىمىز سول.

يسلام ءدىنى بۇل تۇسىنىكتى كاليما شاxاداتقا كىرگىزىپ جىبەرگەن. قايتالاپ كورەيىك: "اللادان باسقا ءتاڭىر جوق، مۇxاممەد ونىڭ قۇلى، ءارى ەلشىسى."

ءبىز وسى كاليمانىڭ تەك قۇلى دەگەن ءسوزىنىڭ ءمانىن اشۋعا تىرىستىق. ونداي قۇل بولۋدىڭ ۇلگىسىن ءبىرىنشى xاليفا ابۋباكىر كورسەتكەن. ول بارلىق ادامعا انانىڭ بالاسىنا دەگەن مەيرىمىنىڭ اللالىق سيپاتقا الماسقان كەزدە قانداي بولاتىندىعىن ۇعىندىرۋ ءۇشىن " و، اللا مەنى توزاققا وزگە ادام كىرە الماس ءۇشىن بارلىق توزاقتى جالعىز ءوزىم تولتىراتىنداي ەتىپ ۇلكەيتشى" دەپ دۇعا جاساعان. بۇل - ادامنىڭ اللاعا ورىنباسارلىق سيپاتىنىڭ كورىنىسى. سول دەڭگەيگە كوتەرىلگەن كەزدە بۇكىل جاراتىلىس ادام قامقورلىعىنىڭ اياسىندا تۇرادى. ءبىزدىڭ ادامدى تانۋ قاجەتتىلىگى تۋرالى ايتا بەرەتىندىگىمىز سوندىقتان.

جالپى ءار ادام نە ايتسا دا ءوزىن ايتادى. دۇرىسى - كورگەنىن ايتادى. ازىرگە مەن ولاردان بىرەۋگە جاقسىلىق جاساي قويايىن دەگەن نيەتتى بايقاي قويمادىم. بارىندە كەزەنگەن ءبىر-ءبىر مىلتىق. ال ول زاڭدىلىق. سوڭعى شەك جاقىنداعان سايىن جەڭ ىشىندە جاسىرىنعان جۇدىرىقتار سىرتقا شىعا باستايدى. مەنىڭ وپپونەنتتەرىم بۇدان ءبىر نارسە تۇسىنە قويادى دەپ ويلامايمىن دا. "ولارعا ايتتىڭ نە، ايتپادىڭ نە، ولار تۇسىنبەيدى. سەبەبى، جۇرەك كوزدەرى بەكىتىلگەن" دەگەنگە ساياتىن ايات بار. ءبىز تەك سونىڭ اشىلۋىن تىلەپ اللاعا قول جايىپ دۇعا جاساپ قويامىز. اللا تاعالا بارشاڭىزعا رۋxانيات تاعلىمىن ءتۇسىنىپ قالۋدى ءناسىپ ەتسىن!

قۇديار ءبىلال

Facebook-تەگى پاراقشاسىنان