ءوز ەركىمەن بەرىلگەن وريفدجون ەرگاشەۆ كەزىندە "تاكۆو" مەشىتىنىڭ بۇرىنعى يمامى، حۋدجانت قالاسىنداعى شەيح مۋسليحيددين اتىنداعى ورتالىق مەشىتتىڭ باس يمامىنىڭ ورىنباسارى بولعان. تاجىكستان جوعارعى سوتى "يحۆون-ۋل-مۋسليمين" ۇيىمىن 2006 جىلى ەسترەميستىك ۇيىم ساناتىنا جاتقىزدى.

سوعدى وبلىسى ىشكى ىستەر باسقارماسى باسشىلىعىنىڭ وزودي راديوسىنا حابارلاۋىنشا، وريفدجون ەرگاشەۆ ءتورت اي بۇرىن "يحۆون-ۋل-مۋسليمينا" ۇيىمىنا مۇشە التى يمامدى ۇستاعان كەزدە قاشىپ كەتكەن ەدى. "اۋەلى ول دۋبايعا بارعان، كەيىن رەسەيگە وتكەن. تىيىم سالىنعان ۇيىمدار مەن اعىمداردىڭ بارلىق مۇشەلەرى ايىپتارىن مويىنداعان جاعدايدا جازادان بوساتىلاتىنىن ەستىپ، ول تاجىكستانعا قايتىپ كەلگەن", - دەدى وزودي دەرەككوزى.

وريفدجون ەرگاشەۆتىڭ ۇستىنەن "ەكسترەميستىك ۇيىمعا قاتىسقانى" ءۇشىن قىلمىستىق ءىس قوزعالدى. پروكۋراتۋراداعىلاردىڭ حابارلاۋىنشا، بۇرىنعى يمامنىڭ جاساعان باسقا قىلمىسى بولماسا، ول بوستاندىققا شىعادى.

تەرگەۋ كەزىندە ەرگاشەۆ "يحۆون-ۋل-مۋسليمين" ۇيىمىنا 1993-2001 جىلدارى شەتەلدە وقىپ جۇرگەن كەزىندە مۇشە بولعانىن ايتقان. بۇعان قوسا، ول 15 جىل بويى وسى ۇيىمنىڭ يدەسىن ناسيحاتتاۋمەن اينالىسىپ، جىل سايىن 3-4 مىڭ دوللار الىپ جۇرگەنىن مويىندادى.

اباي-اقپارات