تاجىكستان باس پروكۋراتۋراسىنىڭ اسا ماڭىزدى ىستەر جونىندەگى اعا تەرگەۋشىسى دجامشەد مەليبوەۆتىڭ وزودي راديوسىنا حابارلاۋىنشا، حاديلدا ازيززوداعا قىلمىستىق كودەكستىڭ 120-بابى، ياعني "ادام ساۋداسى" فاكتىسى بويىنشا ايىپ تاعىلدى. تاجىك ايەلىن ءبىراز ۋاقىت بۇرىن تۇركيا قۇقىققورعاۋ ورگانىنىڭ قىزمەتكەرلەرى ۇستاپ، تاجىكستانعا جەتكىزگەن ەدى.

مەليبوەۆتىڭ ايتۋىنشا، حاديدجا ازيززودا تاجىك قىزدارىن جۇمىس بەرەم دەگەن جەلەۋمەن تۇركياعا الىپ بارىپ، ولاردى سوندا جەزوكشەلىكپەن شۇعىلدانۋعا ماجبۇرلەگەن.

قىلمىستىق ءىس تەرگەۋشىلەرىنىڭ مالىمەتى بويىنشا، كۇدىكتىنىڭ تۇزاعىنا ءتۇسىپ قالعان ەكى ايەل ازيزاعا قارسى كۋالىك ەتكەن. دجامشەد مەليبوەۆتىڭ ايتۋىنشا، الدىن الا تەرگەۋ مالىمەتى بويىنشا، كۇدىكتى ۇيىمداستىرعان جەزوكشەلەر ۇيىنە نەگىزىنەن اۋعان جانە پارسى بوسقىندارى، سونداي-اق تۇركيا ازاماتتارى كوپ كەلەتىن بولعان.

قازىر كۇدىكتى دۋشانبەدەگى تەرگەۋ اباقتىسىندا وتىر، ال جالعان ۋادەمەن تۇركياعا اكەتىلگەن ەكى ايەل ۇيلەرىنە قايتارىلدى.

اباي-اقپارات