ساۋد ارابياسىندا قاتارىنان بىرنەشە جارىلىس بولدى
وقيعا بولعان ورىندا تۇسىرىلگەن بەينەجازبادا ءبىر كولىكتىڭ ورتەنىپ جاتقانى كورىنەدى. زارداپ شەككەندەر تۋرالى مالىمەت ازىرگە تۇسكەن جوق.
بۇنىڭ الدىندا ساۋد ارابياسىنىڭ شىعىسىنداعى كاتيف قالاسىندا ەكى جارىلىس بولعان ەدى. تاعى ءبىر جارىلىس ەلدەگى ەكىنشى ءىرى قالا – دجەدداداعى اقش كونسۋلدىعىنىڭ ماڭىندا تىركەلدى. حابارلارعا قاراعاندا، دەنى شيىتتەر قونىستانعان كاتيف قالاسىنداعى شابۋىلداردىڭ ءبىرىن جانكەشتى لاڭكەس جاساعان. ول جارىلعىش ورناتىلعان كولىكتى جارىپ جىبەرگەن. دجەددا قالاسىندا جانكەشتى تەررورشى كولىك تۇراعىندا قاۋىپسىزدىك قىزمەتىنىڭ وكىلدەرىنە جاقىن ماڭدا ءوزىن جارىپ جىبەرگەن. ەكى ءتارتىپ ساقشىسى جەڭىل جاراقاتتاندى.
اباي-اقپارات
