الماتى. 9 شىلدە. قازتاگ -  «ۋرالسكايا نەدەليا» گازەتىنىڭ كەزەكتى سانى سوت شەشىمىنە نارازىلىق بەلگىسى رەتىندە بوس بەتپەن جارىق كوردى، دەپ حابارلايدى ءسوز بوستاندىعىن قورعاۋ جونىندەگى «ءادىل ءسوز» حالىقارالىق قورى.

«ءبىرىنشى بەتتىڭ بوس بولۋى - باسپاحانادا جىبەرىلگەن ولقىلىق ەمەس. بۇل وسى ەلدە جەمقورلىققا جانە باسپاسوزگە قىسىم كورسەتۋگە قارسىلىق ءبىلدىرۋدىڭ جالعىز امالى. ءبىز وسىلاي جاساۋ ارقىلى سوت شەشىمىمەن ۇستانىمدى تۇردە كەلىسپەيتىنىمىزدى كورسەتكىمىز كەلەدى. بوس بەتكە قاراڭىزدار دا، ەركىن ءباسپاسوز بولماسا، ءومىر قانداي بولاتىنى تۋرالى ويلانىڭىزدار» - دەلىنگەن رەداكتسيانىڭ وقىرماندارعا جازعان ۇندەۋىندە.

«ءازىل ءسوز» قورىنىڭ اقپاراتىنا سايكەس، وتكەن بەيسەنبىدە باتىس قازاقستان وبلىستىق سوتىنىڭ قاداعالاۋشى القاسى «ۋرالسكايا نەدەليا» گازەتىنىڭ جانە جۋرناليست لۇقپان احمەدياروۆتىڭ كاسساتسيالىق شاعىمىن قاناعاتتاندىرۋدان باس تارتىپ، تومەندە تۇرعان ەكى ينستانتسيانىڭ شەشىمدەرىن وزگەرىسسىز قالدىردى. وعان سايكەس، «ۋرالسكايا نەدەليا» گازەتى مەن ل.احمەدياروۆ  «تەنگيزنەفتەستروي» كومپانياسىنا ت20 ملن كولەمىندە مورالدىق زالالدى وتەۋگە مىندەتتى. «ۋرالسكايا نەدەليا» گازەتىنىڭ باس رەداكتورى تامارا ەسلياموۆا بۇل شەشىمدى ورىنداۋ مۇمكىن ەمەس ەكەنى الدىن الا بەلگىلى، ويتكەنى ول تاۋەلسىز باسىلىمنىڭ بانكروتقا ۇشىراپ، جابىلۋىنا الىپ كەلەدى.

الماتى. 9 شىلدە. قازتاگ -  «ۋرالسكايا نەدەليا» گازەتىنىڭ كەزەكتى سانى سوت شەشىمىنە نارازىلىق بەلگىسى رەتىندە بوس بەتپەن جارىق كوردى، دەپ حابارلايدى ءسوز بوستاندىعىن قورعاۋ جونىندەگى «ءادىل ءسوز» حالىقارالىق قورى.

«ءبىرىنشى بەتتىڭ بوس بولۋى - باسپاحانادا جىبەرىلگەن ولقىلىق ەمەس. بۇل وسى ەلدە جەمقورلىققا جانە باسپاسوزگە قىسىم كورسەتۋگە قارسىلىق ءبىلدىرۋدىڭ جالعىز امالى. ءبىز وسىلاي جاساۋ ارقىلى سوت شەشىمىمەن ۇستانىمدى تۇردە كەلىسپەيتىنىمىزدى كورسەتكىمىز كەلەدى. بوس بەتكە قاراڭىزدار دا، ەركىن ءباسپاسوز بولماسا، ءومىر قانداي بولاتىنى تۋرالى ويلانىڭىزدار» - دەلىنگەن رەداكتسيانىڭ وقىرماندارعا جازعان ۇندەۋىندە.

«ءازىل ءسوز» قورىنىڭ اقپاراتىنا سايكەس، وتكەن بەيسەنبىدە باتىس قازاقستان وبلىستىق سوتىنىڭ قاداعالاۋشى القاسى «ۋرالسكايا نەدەليا» گازەتىنىڭ جانە جۋرناليست لۇقپان احمەدياروۆتىڭ كاسساتسيالىق شاعىمىن قاناعاتتاندىرۋدان باس تارتىپ، تومەندە تۇرعان ەكى ينستانتسيانىڭ شەشىمدەرىن وزگەرىسسىز قالدىردى. وعان سايكەس، «ۋرالسكايا نەدەليا» گازەتى مەن ل.احمەدياروۆ  «تەنگيزنەفتەستروي» كومپانياسىنا ت20 ملن كولەمىندە مورالدىق زالالدى وتەۋگە مىندەتتى. «ۋرالسكايا نەدەليا» گازەتىنىڭ باس رەداكتورى تامارا ەسلياموۆا بۇل شەشىمدى ورىنداۋ مۇمكىن ەمەس ەكەنى الدىن الا بەلگىلى، ويتكەنى ول تاۋەلسىز باسىلىمنىڭ بانكروتقا ۇشىراپ، جابىلۋىنا الىپ كەلەدى.

ەسكە سالا كەتەيىك، سوت شاعىمىنا «ۋرالسكايا نەدەليا» گازەتىنىڭ 2009 جىلدىڭ 6 تامىزىنداعى سانىندا جارىق كورگەن ل. احمەدياروۆتىڭ «زا شيرموي تەندەرا» اتتى ماقالاسى سەبەپ بولعان. وندا «تەنگيزنەفتەستروي» كومپانياسى تەندەردىڭ ناتيجەسىن شىعارعانعا دەيىن-اق، بولاشاق «جىمپيتى-قاراتوبە» گاز قۇبىرىنىڭ ورنىندا قۇرىلىس جۇمىستارىن باستاپ كەتكەنى باياندالعان.

سوتتا ارىزدانۋشىنىڭ وكىلى بۇل فاكتىنى جوققا شىعارعان جوق، بىراق ونى بىلايشا ءتۇسىندىردى: كومپانيا «تەندەردە كورسەتىلگەن جۇمىس كولەمىن ورىنداۋعا دايىندىعىن» وسىلاي كورسەتكەن». ارىزدانۋشى ىسكەرلىك بەدەلىنە كەلتىرىلگەن زالالدى زاڭدى تۇلعا -  «تەنگيزنەفتەستروي» اكتسيونەرلىك قوعامىنىڭ ادامگەرشىلىك ازاپ كورىپ وتىرعانىمەن نەگىزدەدى.

«ۋرالسكايا نەدەليا» - باتىس قازاقستاننىڭ اپتالىق گازەتى. 2001 جىلدان بەرى «جۋرناليستسكايا ينيتسياتيۆا» جشس شىعارادى، وبلىستاعى تارالىمى ەڭ كوپ گازەت، 18,5 مىڭ دانامەن جارىق كورەدى. اكتسيونەرلەرى رەداكتسيا قىزمەتكەرلەرى عانا بولىپ تابىلاتىن قازاقستانداعى جالعىز باق.