سوت ءىسى سوتتالۋشى ازيمجان اسقاروۆ پەن ونىڭ ادۆوكاتىنىڭ ءوتىنىشى بويىنشا 2016 جىلدىڭ 11 ماۋسىمىندا باستالاتىن بولادى.

ەسكە سالا كەتەيىك، 2016 جىلى 21 ساۋىردە بۇۇ-نىڭ ادام قۇقىقتارى جونىندەگى ساراپشىلارى قىرعىزستان بيلىگىنەن اسقاروۆتى تۇرمەدەن بوساتۋدى سۇراعان. ولاردىڭ پىكىرىنشە، ول زاڭسىز ۇستالعان، ادام توزگىسىز جاعدايدا وتىرعان، تۇرمەدە زورلىق-زومبىلىق كورگەن جانە سوت وتىرىسى كەزىندە ءوزىن قورعاپ شىعۋىنا مۇمكىندىك بەرمەگەن.

اسقاروۆ 2010 جىلدىڭ ماۋسىم ايىنداعى قايعىلى وقيعا كەزىندە پوليتسيا وكىلدەرىن ولتىرۋگە قاتىستى، جاپپاي تارتىپسىزدىك ۇيىمداستىردى، ۇلتارالىق الاۋىزدىقتى قوزدىردى دەگەن ايىپتارمەن كىنالى دەپ تانىلىپ، ءومىر بويى تۇرمە جازاسىنا كەسىلگەن.

2015 جىلدىڭ جازىندا اقش مەملەكەتتىك دەپارتامەنتى ازيمجان اسقاروۆتى "ادام قۇقىقتارىن قورعاۋعا ۇلەسى ءۇشىن" دەگەن سىيلىقپەن ماراپاتتالعان. بۇعان جاۋاپ رەتىندە قىرعىزستان اقش ۇكىمەتىمەن 1993 جىلعى كومەك كورسەتۋدى جەڭىلدەتۋ جونىندەگى كەلىسىمنىڭ كۇشىن جويدى.

اباي-اقپارات