سيرياعا كەتپەكشى بولعان ماڭعىستاۋ وبلىسىنىڭ تۇرعىنى، 1994 جىلى دۇنيەگە كەلگەن قىز نە سەبەپتى مۇنداي ارەكەتكە بارماق بولعانىن اشىق ايتتى. جاس بويجەتكەن ءوز وقيعاسىن يسلام.كز سايتىندا جاريالاعان.

پرەزيدەنت نۇرسۇلتان نازارباەۆ «قازاقستان-2050» ستراتەگياسى قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا: ء«بىز مۇسىلمانبىز، ونىڭ ىشىندە ءابۋ حانيفا مازھابىن ۇستاناتىن سۇننيتتەرمىز» دەگەن.

 الايدا، قازىرگى قوعامىمىزدا ءداستۇرلى يسلامنان بولەكتەنەتىن جاندار كوبەيدى. اسپانىمىز اشىق، كۇنىمىز بەيبىت زاماندا، تاياۋ شىعىس ەلدەرىنە قاراي شەكارا اسۋعا نە سەبەپ بولدى ەكەن؟! مىنا ءبىر كەيىپكەرىمىزدىڭ باسىنان وتكەن وقيعا جوعارعى سويلەمىمىزدىڭ ايعاعى.

ء «بارى دە ءالى كۇنگە دەيىن كوز الدىمدا»، — دەيدى، ەسىمىن جۇمباق قالدىرعان كەيىپكەرىمىز. ويلاپ قاراسام، ءبىر اللانىڭ ءوزى مەنى ساقتاعان ەكەن. 2011 جىلى يۋتۋب پورتالىنان ۆيدەولار قاراپ وتىردىم. كەزدەيسوق ءبىر ۆيدەونى كورىپ قالعانىم بار. ول ۆيدەودا مۇسىلماندارعا ۇندەۋ بولاتىن. سول ۆيدەونى باسىنان اياعىنا دەيىن كورىپ شىقتىم. سول كەزدەن باستاپ وزگەرىپ شىعا كەلدىم. ىلعي دا ويلايتىنىم ءدىن تۋرالى. سيرياداعى قىرىلىپ جاتقان مۇسىلمانداردى ويلاۋمەن بولدىم. ءدىن ۇستانعان ادام تۋرالى ىزدەنە باستادىم. ءبىزدىڭ قالامىزدا ساليافي باعىتىن ۇستانۋشىلار وتە كوپ ەدى. ءبىر كۇنى ۇيدە ءوزىم قالدىم. قاسيەتتى جۇما كۇنى بولاتىن. جۇما نامازعا بارۋ ءۇشىن مەشىتكە باردىم. سول جەردەن ءبىر جاقسى قىزدى كەزدەستىرگەندەي بولدىم. سول ماعان ناماز وقۋدى ۇيرەتتى. سودان كومپيۋتەرمەن سيريا تۋرالى قاراي بەردىم. «اگەنت» دەگەن الەۋمەتتىك جەلىدەن ساليافي باعىتىن ۇستانۋشىلار تابىلدى. سولارمەن سويلەسىپ، كوپتەگەن ءمان-جايلاردى بىلگەندەي بولدىم.

 كەيىننەن بارىپ، «موي مير» ارقىلى ءبىر جىگىتتى كەزدەستىردىم. ۇزاق سويلەسىپ جۇردىك. 2013 جىلعا دەيىن ارالاستىق. ول شەت ەلگە بارعىسى كەلەتىنىن ايتتى. ول تۋرا مەنىڭ ويىمداعىنى ايتتى. جاتسام دا، تۇرسام دا قارايتىنىم سول ۆيدەوروليكتەر عانا. سودان ول جاققا مەنىڭ دە بارعىم كەلەتىندىگىن جازدىم. مۇسىلماندارعا كومەكتەسكىم كەلەدى دەدىم. سودان سوڭ ول ءبىزدىڭ قالاعا كەلىپ، نەكە قيدىرىپ الىپ كەتەمىن دەدى. كەرەك نارسەلەرىمدى دايىنداپ، جيناپ قويۋىمدى الدىن الا ەسكەرتتى. كەيىن ول كەتەتىن ۋاقىتى كەلگەندىگىن جەتكىزدى. ماعان سول جاققا ءوزىڭ كەل دەدى. كەيىن ول مۇلدەم حابارسىز كەتتى. ىزدەمەگەن جەرىم جوق ءتىپتى. كەيىن ەستىدىم، سويتسەم ول تۇركيا ارقىلى شەكارادان اسىپ كەتكەن ەكەن. ارادا بىرنەشە اي وتكەن سوڭ حابارلاستى. ءوزىنىڭ امان-ساۋ ەكەندىگىن، الەپپودا ەكەنىن ايتتى. ماعان تەز جەت دەدى. ول جاقتا ۋالي بولاتىن باۋىرى بارىن ايتتى. ول باۋىرى وسى كۇنگە دەيىن ۆك-دا بولدى.

مەن، اقشا تابۋ ءۇشىن بالا كۇتۋشى بولىپ جۇمىس جاسادىم. 2014 جىلى ول تاعى ءبىر رەت حابارلاستى. باراتىن بولسام كۇتىپ الۋعا دايىن ەكەندىگىن ايتتى. اقپان ايىندا مەن بارىنە دايىن بولدىم! بىراق، انام اۋىرىپ كالعانىنا بايلانىستى كەتە الماي قالدىم. سودان ناۋرىز ايى كەلدى. مەن جولعا كەرەك دۇنيەلەرىمدى، بيلەتتەرىمدى دايىنداپ قويدىم. سول كۇنى ماعان بەلگىسىز نومەردەن قوڭىراۋ شالدى. قوڭىراۋ شالعان ادام، الگى ۋالي بولاتىن باۋىرى ەكەن. جەرلەسىمىزدىڭ شاحيد بولعاندىعىن ايتتى. بىراق تا مەن ونىڭ سوزىنە سەنبەدىم! ماعان ۆك-عا كىر دەپ ءوتىندى. كىرسەم، ماعان ول ۆيدەوسىن جىبەرگەن ەكەن. سول ۆيدەونى كورىپ، ول جاققا قاتتى بارعىم كەلدى.

سويتسەم، ول ۆيدەولار گيپنوزدالىپتى. كوز الدىمدا الگى جىگىت ەلەستەدى دە ءجۇردى. قاسىمدا جۇرگەندەي قورقاتىن بولدىم. سولاي كۇندەر ءوتىپ جاتتى. كوپتەگەن ۋاعىز تىڭداپ، ودان سايىن باسىم اينالعانداي بولدى. عالامتوردان ۋاعىزدى كۇندە تىڭدادىم.

ء بىر كۇنى ءبىر جىگىت «دايش-تى قولدايسىڭ با، وپپوزيتسيانى قولدايسىڭ با؟» دەپ سمس جازدى. مەن «وپپوزيتسيا» دەپ ەدىم، «ولار ءالسىز، كوپكە دەيىن جەر باسا المايدى» دەدى. مەن ايتقانىمنان قايتپادىم. كەيىنىرەك سيريادان قايتا ورالعان ادامداردىڭ قايعىلى ءومىرى تۋرالى ۆيدەولار كوبەيە باستادى. سولاردى كورىپ ساياساتتى ءتىپتى جەك كورىپ كەتتىم. ويتكەنى ءبىر مۇسىلماندى زاڭمەن سوتتاپ جاتقانىنا قاتتى اشۋىم كەلدى.

سودان ءبىر كۇندەرى 1993 جىلعى جىگىت نەكە قيدىرعىسى كەلەتىندىگىن ايتتى. اناسىنان بولەك تۇراتىنى، اناسىمەن قارىم-قاتىناسىنىڭ جاقسى ەكەنىن ايتتى. ال، مەنىڭ وتباسىم ماعان ىلعي دا كەدەرگى بولاتىن. مەنىڭ ويىمدى جوققا شىعاراتىن. وتباسىمدى، ءتىپتى بارلىعىن تاستاپ كەتكىم كەلدى دە، ول جىگىتكە ءوزىمنىڭ كەلسىمىمدى بەردىم.

ول ازىرگە كەلە المايتىندىعىن ايتتى. كىشكەنە ۋاقىتقا كەشىگەمىن دەگەن. سويتسەم، ونىڭ ايەلى بار ەكەن. ايەلىمەن اجىراسىپتى. مەن ول جىگىت بەلگىلەگەن ورىنعا بارماي قالدىم. كەيىن ەسىمدى جيعانداي بولدىم. ويىمنان كەتپەيتىن سول كەزدەگى سۇراقتىڭ ءبىرى – يسلام وسىنداي ءدىن بە ەدى؟ ەكى دۇنيەنىڭ ساردارى بولعان پايعامبارىمىز س.ع.س. مۇسىلمانداردىڭ وسىنداي بولعانىن قالادى ما؟ كەيىن تاعى دا ەسىمنەن سيريا شىقپادى. جىن قاعىپ كەتكەندەي كۇيدە بولدىم. وزىمنەن-ءوزىم سيرياعا بارماعانىم ءۇشىن جىندانىپ، ءوزىمدى ءوزىم ۇرىپ، تىرنالايتىنمىن. ءبىر كۇنى وزىمنەن ءوزىم «كەتەم-كەتەم» دەپ ايقايلاي بەرىپپىن. ودان قورىققان تۋىسقاندارىم ۇيگە مولدا اكەلدى. الگى مولدانى كورگەندە، شايتاندى كورگەندەي ونىڭ جاعاسىنا جابىسا كەتتىم. وسىنىڭ بارلىعى ەسىمدە.

سودان كەيىن الگى مولدانىڭ سۇرە وقىعانىن بىلەمىن. كوزىمدى اشسام، ۇيقىدان تۇرىپ جاتىر ەكەنمىن. اناما اناۋ كىسى قايدا كەشىرىم سۇرايىن دەدىم. سويتسەم، كەتىپ قالعان ەكەن. سودان كەيىن سيريا تۋرالى ۇمىتىم. الگى جىگىتتىڭ دە اتى ەسىمە تۇسپەي قويدى. تىڭداپ جۇرگەن ۋاعىزشىلارىمنىڭ دا بارلىعىنىڭ ولگەنىن ەستىدىم. بويىم ءبىر جەڭىلدەپ قالا بەردى. سودان الگى كىسى ۇيگە تاعى كەلدى. مولدا ۇيگە كەلىپ، مەندە گيپنوز بولعانىن ايتتى.

سيريالىق ۆيدەولار گيپنوزدالادى ەكەن. ادامداردى وزىنە تارتۋ ءۇشىن. كەيىن ول كەزدەسۋ ۇيىمداستىردى. سيريادان قايتىپ ورالعان قازاق قىزى تۇرمەدە ەكەن. سول قىزبەن وڭاشا اڭگىمەلەستىردى. ول قىزدىڭ كوز جاسىن كورىپ، قاتتى اياپ كەتتىم. ول قىز دا عالامتور ارقىلى تانىسىپ وتباسىلى بولعان. بال ايى دەپ كۇيەۋى سيرياعا ەرتىپ كەتكەن. سودان، سيريادا ءبىر اي تۇرعان. كۇيەۋى شاحيد دەپ، كۇيەۋىنىڭ سيرياداعى دوسى كەلگەن. قىز وعان كۇيەۋگە شىعىپتى جالعىز قالماس ءۇشىن. سودان ارادا بىرنەشە اپتادان سوڭ، ول كۇيەۋىندە شاحيد دەگەن.

ءسويتىپ، ول قىز سەگىز رەت كۇيەۋگە شىققان. ءبىر كۇنى سىرتتا ءجۇرىپ ول ءولىپ قالدى دەگەن كۇيەۋلەرىن كورگەن. ءتىپتى، ءبىرىنشى كۇيەۋى دە ءتىرى بولىپ شىققان. ول قىز بارلىعىنىڭ وتىرىك ەكەندىگىن ءبىلىپ، قاشۋعا بەل بۋىپ، اقىرى كۇجاتسىز ەلگە ورالعان. جىلايدى… كۇرساعىمداعى بالانى امالىم جوقتىقتان كوتەرىپ ءجۇرمىن دەپ. بوسانسام، ول بالانى جەتىمدەر ۇيىنە بەرەمىن دەيدى. سيريادا ايەل ادامدى قاتتى قورلايدى ەكەن. تەك قانا وزدەرىنىڭ ءلاززاتتارىن السا بولدى. ەشقانداي دا جيھاد جوق، قايتا جىنىستىق قاتىناس كوپ دەيدى.

مەن، ونى كورىپ اللا مەنى ساقتاعان ەكەن دەدىم. ارتىنشا تاۋبەگە كەلىپ، حانافي مازحابىنا كەلگەندىگىم بار. اقيدامنان ەندى اداسپاسپىن دەپ ويلايمىن. بىراقتا، كەيبىر تۋىس اعالارىم سالافيتتىك جولدى ۇستانادى. كەيدە بۇرىنعى ومىرىڭە قايت دەپ اقىلدارىن ايتادى… بىراق تا، ولارعا ءسوزىم جۇرمەگەن سوڭ بىردەڭە دەۋ قيىن!..

دەرەككوزى: http://www.juldizdar.kz