پرەزيدەنت اكىمشىلىگىنىڭ جەتەكشىسى نۇرلان نىعماتۋللين قىزمەتىنەن بوسادى، - دەپ حابارلايدى اباي-اقپارات.

ول پارلامەنت ءماجىلىسىنىڭ دەپۋتاتى بولىپ سايلاندى. بۇل تۋرالى ورتالىق سايلاۋ كوميسسياسى حابارلاما تاراتتى.

«قر وسك «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق ءزاڭىنىى 97-1-بابى 6-تارماعىنا سايكەس «نۇر وتان» پارتياسى ساياسي كەڭەسىنىڭ بيۋرو شەشىمى نەگىزىندە نىعماتۋللين نۇرلان زايرۋللاۇلىن ءماجىلىس دەپۋتاتى ەتىپ تىركەدى»، - دەلىنگەن حابارلامادا.

ن. نىعماتۋللين ماجىلىسكە ۇلتتىق ەكونوميكا ءمينيسترىنىڭ ورىنباسارى بولىپ تاعايىندالعان ەكس-دەپۋتات رومان سكلياردىڭ ورنىنا بارىپ وتىر.

بۇل اۋىس-ءتۇيىستىڭ باسى عانا. 

بىزگە حابارلاسقان اق ورداعا جاقىن ادامنىڭ ايتۋىنشا، استانا اكىمى ادىلبەك جاقسىبەكوۆ پرەزيدەنت اكىمشىلىگى باسشىلىعىنا بارىپ، باقتىقوجا ىزمۇحامبەتوۆ ءماجىلىس توراعاسى لاۋازىمىن 2014 جىلدان بەرى پرەزيدەنت اكىمشىلىگىنە جەتەكشىلىك ەتىپ كەلە جاتقان نۇرلان نىعماتۋللينگە تاپسىرىپ بەرەتىن كورىنەدى. دەرەككوز ب. ىزمۇحامبەتوۆ دەپۋتاتتىق مانداتىن ساقتاي وتىرىپ،  ارداگەرلەر ۇيىمىنىڭ باسشىلىعىنا سايلانباقشى.

سونداي-اق، استانا قالاسى اكىمى لاۋازىمىنا ا.مامين سايلانۋى مۇمكىن ەكەنى ايتىلۋدا.

پرەزيدەنت اكىمشىلىگىنىڭ جەتەكشىسىنىڭ اۋىسۋىنا بايلانىستى رەداكتسيامىزعا ساياساتتانۋشى ەرلان سايروۆ حابارلاسىپ، ءوز پىكىرىن بىلايشا ءبىلدىردى.

ەرلان سايروۆ، ساياساتتانۋشى: 

- ەلىمىز جوعارعى بيلىك ترانسفورماتسيا داۋرەنىنە اياق باسىپ كەلەدى. وسى ۋاقىتتا ساياسي مەنەدجمەنتتىڭ ءرولى ارتۋى زاڭدى. پرەزيدەنت اكىمشىلىگىنىڭ باسشىلىعىنا كىم تاعايىندالادى، ەلىمىزدەگى بيلىك ستسەناريى سوعان بايلانىستى. نىعماتۋلين جونىندە سىبىس ءسوز كوپ، بىراق ول مىقتى ساياسي مەنەدجەر بولدى. ونىڭ ورنىنا كەلەتىن ادامنىڭ سونداي ۇيىمداستىرۋشىلىق قابىلەتى بولا ما؟ ەندىگى ماسەلە وسىندا.

اbai.kz