پارلامەنت ءماجىلىسىنىڭ توراعاسى باقتىقوجا ىزمۇحامبەتوۆ، استانا قالاسىنىڭ اكىمى ادىلبەك جاقسىبەكوۆ، پرەزيدەنت اكىمشىلىگىنىڭ باسشىسى نۇرلان نىعماتۋللين سىندى بىرقاتار  لاۋازىمدى ازاماتاردىڭ قىزمەتى اۋىسۋى مۇمكىن، - دەپ حابارلايدى اباي-اقپارات.

سونداي-اق، استانا قالاسى اكىمى لاۋازىمىنا ا.مامين سايلانۋى مۇمكىن ەكەنى ايتىلۋدا. 

«كاپيتال» اقپارات ورتالىعىنىڭ دەرەككوزىنىڭ ايتۋىنشا، جاقىن كۇندەرى 2014 جىلعى قازاندا استانا اكىمدىگىنە تاعايىنداعان ادىلبەك جاقسىبەكوۆ پرەزيدەنت اكىمشىلىگى باسشىلىعىنا بارىپ، باقتىقوجا ىزمۇحامبەتوۆ ءماجىلىس توراعاسى لاۋازىمىن 2014 جىلدان بەرى پرەزيدەنت اكىمشىلىگىنە جەتەكشىلىك ەتىپ كەلە جاتقان نۇرلان نىعماتۋللينگە تاپسىرىپ بەرەتىن كورىنەدى. دەرەككوز ب. ىزمۇحامبەتوۆ دەپۋتاتتىق مانداتىن ساقتاي وتىرىپ، الدەبىر ارداگەرلەر ۇيىمىنىڭ باسشىلىعىنا سايلانادى ەكەن.

وسى ورايدا، ءا. جاقسىبەكوۆتىڭ 2004-2008 جىلدارى پرەزيدەنت اكىمشىلىگىن باسقارعانى مەن ن. نىعماتۋليننىڭ 2012-2014 جىلدارى ءماجىلىس سپيكەرلىگىن اتقارعانىن ايتا كەتكەن ءجون.

اباي-اقپارات