جالپى لەگيونەر (شەتەلدەن اكەلىنگەندەر) سپورتشىلاردى نە ءۇشىن شاقىرادى؟ تانىمال شەتەلدىك سپورتشىنى اكەلۋ ءبىر جاعىنان ناتيجە اكەلەدى، ءبىر جاعىنان جاس سپورتشىلاردى ۇيرەتەدى، سول سپورت تۇرىنە دەگەن قىزىعۋشىلىقتى دامىتادى. بۇرىن تەك كلۋبتىق دەڭگەيدە بولسا، قازىر ۇلتتىق قۇرامالارعا دا لەگيونەر كەلە باستادى. بۇل نەنى بىلدىرەدى؟
بۇل بىزدە سپورت دامىماي جاتقاندىعىن بىلدىرەدى. ەگەر لەگيونەرلەر ۇزاق ۋاقىت قالىپ جانە جاڭالارى ءالى دە كەلە باستاسا - دەمەك بىزدە سپورتتىڭ جاعدايى ناشار، دۇرىس باعدارلاما قالىپتاسپاعان، ءوز سپورتشىلارىمىزعا جاعداي جاسالماعان دەگەن ءسوز. ال، لەگيونەر اكەلۋ قىمبات بولسا دا ونىڭ ۋاقىتشا اكەلەتىن ناتيجەلەرى الدىمەن باپكەرلەردىڭ، ودان كەيىن سپورت باسقارمالارىنىڭ، سوسىن اكىمنىڭ، ءمينيستردىڭ ۇپايلارى ءۇشىن كەرەك. سوندىقتان دا ۇزاق مەرزىمدى باعدارلاما ارقىلى ءوز سپورتشىلارىمىزدى دايىنداۋدىڭ ورنىنا سىرتتان كەلگەن كەلىمسەكتىڭ ۋاقىتشا ناتيجەلەرىنە ءماز بولىپ ءجۇر كوپ ادام. ءيا، قازاقستاننىڭ اتى شىعىپ، جاقسى جارناما بولىپ جاتىر. بىراق، كەيىن قالاي بولادى؟ اقشا بىتەدى، لەگيونەرلەر كەتەدى. سوندا بۇگىنگە دەيىن ۇرىلگەن شار دا جارىلادى، مەيرام اياقتالادى، سپورتتاعى شىن كەلبەتىمىز كورىنەتىن بولادى.

بيىلعى وليمپياداعا دا ءبىزدىڭ اتىمىزدان تالاي كەلىمسەك بارادى. ال، ونىڭ ورنىنا قانشاما ءوزىمىزدىڭ سپورتشىلار بارا الار ەدى. مەيلى مەدال الماسىن، بىراق تاجىريبە جيناقتار ەدى، كەلەسى جارىستاردا الار ەدى. جەكە مەن ءۇشىن لەگيونەردىڭ التىنىنان قازاقستاندىق سپورتشىنىڭ 6-شى ورىنى قۇندىراق.

ارشات ورازدىڭ "فەيسبۋكتەگى" پاراقشاسىنان الىندى

Abai.kz