قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن بايلانىس جانە اقپارات قىزمەتكەرلەرىنىڭ كۇنىنە وراي 2016 جىلعى 22 ماۋسىمدا «مەملەكەتتىك ءتىل جانە باق» رەسپۋبليكالىق بايقاۋىنىڭ جەڭىمپازدارىن سالتاناتتى ماراپاتتاۋ ءراسىمى وتەدى، - دەپ حابارلايدى اباي-اقپارات. 

قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىمەن بىرلەسە وتىرىپ، مەملەكەتتىك ءتىل ساياساتىن بۇقارالىق اقپارات قۇرالدارىندا ناسيحاتتاۋ بەلسەندىلىگىن ارتتىرۋ ماقساتىندا بايلانىس جانە اقپارات قىزمەتكەرلەرىنىڭ كۇنىنە وراي 2016 جىلعى 22 ماۋسىمدا «مەملەكەتتىك ءتىل جانە باق» رەسپۋبليكالىق بايقاۋىنىڭ جەڭىمپازدارىن سالتاناتتى ماراپاتتاۋ ءراسىمىن وتكىزبەكشى.

رەسپۋبليكالىق بايقاۋعا جەكەلەگەن تىلشىلەردىڭ ەل اۋماعىنداعى باق-تا جاريالاعان مەملەكەتتىك ءتىلدىڭ قىزمەت ەتۋ اياسىن كەڭەيتۋ، مارتەبەسىن نىعايتۋ جانە قازىرگى مەملەكەتتىك ءتىلدىڭ احۋالى تۋرالى 100-دەن اسا وتكىر دە وزەكتى ماتەريالدار كەلىپ تۇسكەن.

بايقاۋدىڭ ەرەجەسىنە سايكەس 2015 جىلعى 10 ماۋسىم مەن 2016 جىلعى 9 ماۋسىم ارالىعىندا جارىق كورگەن جاريالانىمدار، ەفيرگە شىققان حابار، باعدارلامالار بويىنشا كەلىپ تۇسكەن ماتەريالدار «ۇزدىك ماقالا»، «ۇزدىك تەلەارنا باعدارلاماسى»، «ۇزدىك راديو باعدارلاماسى»، «ۇزدىك سايت ماقالاسى» نوميناتسيالارى بويىنشا باعالاناتىن بولادى.

بايقاۋ ماتەريالدارىن ەلىمىزگە بەلگىلى جازۋشىلار مەن تاجىريبەلى جۋرناليست ماماندارىنان قۇرالعان ارنايى قازىلار القاسى قاراستىرىپ، جۇلدەگەرلەردى انىقتايدى.

ماراپاتتاۋ ءراسىمى قر مادەنيەت جانە سپورت ءمينيسترى ارىستانبەك مۇحامەديۇلىنىڭ قۇتتىقتاۋ سوزىمەن اشىلادى دەپ كۇتىلۋدە. ءىس-شاراعا قر پارلامەنتىنىڭ دەپۋتاتتارى، زيالى قاۋىم، باق وكىلدەرى، بايقاۋدىڭ جۇلدەگەرلەرى جانە ت.ب. قاتىسادى. ءىس-شارا بارىسىندا ەلىمىزدىڭ تانىمال ارتىستەرى ءوز ونەرلەرىن كورسەتەدى.

بايلانىس تەلەفونى: 8 (7172) 74-09-85, 74-14-97, 74-05-01, 74-05-03,  40-83-67, 8-702-478-97-03, 702 376 84 00

وتەتىن ورنى: استانا قالاسى، قابانباي باتىر كوشەسى، 15 ، Hilton Garden Inn Astana» قوناق ءۇيى، «Garden 3-4» زالى

باستالۋى: ساعات: 15.00

اباي-اقپارات