اق ءۇيدىڭ ءباسپاسوز قىزمەتى حابارلاعانداي، اقش پرەزيدەنتى مەن دالاي-لاما كەزدەسۋ بارىسىندا قىتايداعى تيبەتتىكتەردىڭ جاعدايى تۋرالى تالقىلاعان. باراك وباما تيبەتتىڭ بىرەگەي دىندارلىعى، تىلدىك ءداستۇرى، مادەنيەتىن نىق قولدايتىنىن ءبىلدىرىپ، قىتايداعى تيبەتتىكتەردىڭ قۇقىعىن قورعاۋ ماڭىزدى ەكەنىن اتاپ وتكەن. ول سونىمەن بىرگە دالاي-لامانىڭ زورلىق-زومبىلىقتان باس تارتىپ، الەمدى بەيبىتشىلىككە شاقىرىپ جۇرگەن ەڭبەگىن جوعارى باعالادى.

اقش پرەزيدەنتى داماي-لاما مەن ونىڭ وكىلدەرىن جانە قىتاي ۇكىمەتى اراسىندا تىكەلەي ديالوگ جۇرگىزىپ، شيەلەنىستى باسەڭدەتىپ، كەلىسپەۋشىلىكتى رەتتەۋگە شاقىردى. باراك وباما اقش-تىڭ ۇستانىمىن ءبىلدىرىپ، قۇراما شتاتتار تيبەتتىڭ تاۋەلسىزدىگىن قولدامايتىنىن ايتقان. دالاي-لاما دا تيبەتتىڭ تاۋەلسىزدىگىنە ۇمتىلمايتىنىن مالىمدەپ، ءوزىنىڭ قىتاي ۇكىمەتى وكىلدەرىمەن ديالوگتىڭ قايتا جانداناتىنىنا سەنىم بىلدىرگەن. باراك وباما مەن دالاي-لاما اقش پەن قىتاي اراسىنداعى قارىم-قاتىناستىڭ ماڭىزدىلىعى جونىندە كەلىسكەن.

اباي-اقپارات