الدىن "ۆاشينگتون پوست" گازەتى رەسەيلىك حاكەرلەر رەسەيدىڭ ارنايى قىزمەتىنىڭ تاپسىرماسى بويىنشا، اقش دەموكراتيالىق پارتياسىنىڭ ۇلتتىق كوميتەتىنىڭ كومپيۋتەرلىك جۇيەسىنە كىرىپ، رەسپۋبليكالىق پارتيا اتىنان اقش پرەزيدەنتىنە ىقتيمال كانديدات دونالد ترامپ جونىندە مالىمەتتەر العان دەپ جازعان. گازەت دەموكراتيالىق پارتيانىڭ رەسمي وكىلدەرىنىڭ سوزدەرىنە سىلتەمە جاساعان. ولاردىڭ سوزىنشە، رەسەيلىك حاكەرلەر ترامپ جونىندە مالىمەتتەردى عانا ەمەس، ولاردىڭ ەلەكتروندى پوشتالارىنداعى حات الماسۋلارىن دا كوشىرىپ العان.

ء"بىز باسىپ كىرۋدىڭ ىزدەرىن كورگەننەن كەيىن، بۇل ماسەلەگە وتە سالماقتى قارادىق", – دەپ مالىمدەدى ۇلتتىق كوميتەت توراعاسى دەببي ۆاسسەرمان.

"ۆاشينگتون پوستتىڭ" جازۋىنا قاراعاندا، دەموكراتيالىق پارتيانىڭ كومپيۋتەرلەرىن بۇزۋعا حاكەرلەردىڭ ەكى توبى قاتىسۋى مۇمكىن. ولاردىڭ ءبىرى رەسەيدىڭ بارلاۋ قىزمەتىنىڭ تاپسىرماسىن ورىنداعان. ولار وتكەن جازدان بەرى دەموكراتيالىق پارتيا وكىلدەرىنىڭ ەلەكتروندى پوشتالارىن باقىلاپ كەلگەن.

اباي-اقپارات