مادەنيەت جانە سپورت ءمينيسترى ارىستانبەك مۇحامەديۇلى قازاقستاندىق بوكسشى، ورتا سالماقتا WBA (Super), IBO, WBC جانە IBF جۇيەلەرى بويىنشا الەم چەمپيونى گەننادي گولوۆكين تۋرالى دەرەكتى فيلم تۇسىرىلەتىنىن مالىمدەدى.

تۋىندىنى بەلگىلى كينورەجيسسەر تيمۋر بەكمامبەتوۆ تۇسىرەدى دەپ حابارلايدى massaget.kz.

«كەشە عانا تيمۋر بەكمامبەتوۆپەن كەزدەستىم. ءبىز گەننادي گولوۆكين تۋرالى دەرەكتى فيلم ءتۇسىرۋدى تالقىلاپ، ءتۇسىرۋدى جوسپارلادىق. گەننادي – وتە مىقتى جىگىت، ۇلى چەمپيون، قازاقستاننىڭ ماقتانىشى» – دەدى مينيستر «ۆرەميا» گازەتىنە بەرگەن سۇقباتىندا.

ايتا كەتەيىك، اقپان ايىندا بريتاندىق Superb Films Corporation كومپانياسى دا قازاقستاندىق بوكسشى تۋرالى فيلم ءتۇسىرۋدى جوسپارلاپ وتىرعاندارى تۋرالى حابارلاعان بولاتىن.

Abai.kz