اقتوبەدەگi لاڭكەستiككە بايلانىستى اتۋ جازاسىنا قويىلعان موراتوريدiڭ كۇشiن جويعان ءجون. سەنات دەپۋتاتى، كونستيتۋتسيالىق زاڭناما، سوت جۇيەسi جانە قۇقىق قورعاۋ ورگاندارى كوميتەتiنiڭ توراعاسى سەرiك اقىلباي وسىنداي پiكiر بiلدiردi, دەپ حابارلايدى bnews.kz.

«اقتوبەدە بولعان جاعداي، ارينە، ەلiمiز ءۇشiن اۋىر قايعى. قانشاما كiناسiز ازاماتتار قايتىس بولدى، جارالاندى. ال تەرروريستەردi قۇرىقتاعان قۇقىق قورعاۋ ورگاندارى – Iشكi iستەر مينيسترلiگi مەن ۇلتتىق قاۋiپسiزدiك كوميتەتi بۇل جولى وتە جاقسى جۇمىس iستەدi. دەر كەزiندە قيمىلداپ، ولاردى توقتاتتى. 2011-2012 جانە وسى جىلى بولعان وقيعالاردى سارالاپ قاراساق، بiزدiڭ قۇقىق قورعاۋ ورگاندارى ەلiمiزدەگi باسقا اعىمداردا جۇرگەن ادامداردىڭ iس-قيمىلىن، ارەكەتiن الدىن الا بiلiپ وتىرۋى تيiس دەپ سانايمىن»، – دەيدi دەپۋتات.

ونىڭ پايىمداۋىنشا، ەلiمiزدە iشكi بارلاۋ جۇمىسى ءالi دە جەتكiلiكسiز. بۇل جۇمىستى نىعايتا ءتۇسۋ قاجەت.

«ولاردىڭ اراسىندا ءتۇسiندiرۋ جۇمىستارىن جۇرگiزۋ كەرەك. دiني باسقارمالارىمىز جۇمىس iستەمەگەن سەكiلدi. ياعني، الدىمىزدا ۇلكەن جۇمىس بار»، – دەيدi سەرىك اقىلباي.

سونىمەن قاتار، دەپۋتاتتىڭ ايتۋىنشا، ەكسترەميستەرگە قاتىستى جاۋاپكەرشiلiكتi كۇشەيتكەن ابزال.

«ەلباسى كەيiنگi سويلەگەن سوزiندە ولاردى اتۋعا دەيiن بارۋ كەرەك دەپ ايتتى. بiزدە قازiر موراتوري، ونىڭ كۇشiن جويۋ كەرەك. تەرروريزم جاساعان ادام، كiناسiز ادامداردى قىرعان ادامعا بiر عانا جازا – اتۋ جازاسى قولدانىلۋى تيiس»، – دەگەن پiكiردە دەپۋتات.

Abai.kz