"ورلاندودا بولعان وقيعا، تەك باسى عانا. ءبىزدىڭ بيلىك ءالسىز ءارى ءتيىمسىز. مەن تىيىم سالۋعا شاقىرامىن. قاتالدىق كەرەك", - دەپ جازعان ول "Twitter" پاراقشاسىنا.

وتكەن جەكسەنبىگە قاراعان ءتۇنى ورلاندو قالاسىندا گەي-كلۋبتا بولعان شابۋىلدان 50 ادام قازا تاپتى. بۇل - اقش تاريحىندا 2001 جىلعى 11 قىركۇيەك وقيعاسىنان كەيىنگى ادام شىعىنى كوپ بولعان ءىرى وقيعالاردىڭ ءبىرى.

رەسمي مالىمەت بويىنشا، گەي-كلۋبقا شابۋىل جاساعان ادامنىڭ اتى-ءجونى — ومار ماتين، 29 جاستا، ەتنيكالىق اۋعان. اقش ازاماتى، فلوريدا شتاتىنىڭ تۇرعىنى بولعان.

امەريكالىق بيلىك گەي-كلۋبقا جاسالعان شابۋىل ارنايى قىزمەت ومار ءماتيننىڭ ەكسترەميستىك توپتارمەن بايلانىسى جوعىن ايتسا دا، يدەولوگيالىق ماقساتتا جاسالعان قىلمىس بولۋى مۇمكىن دەيدى.

اقش پرەزيدەنتى باراك وباما ارنايى قىزمەت ومار ماتين جايىنداعى مالىمەتتى بارىنشا تەكسەرىپ، ونىڭ ەكسترەميستىك ۇيىمدارمەن قانداي دا ءبىر بايلانىسى بار-جوعىن تەكسەرۋ كەرەك دەپ مالىمدەدى.