اقتوبە وبلىسىنىڭ باسشىلىعى تەوورورلىق اكتى كەزىندە كوز جۇمعانداردىڭ وتباسىلارىنا بەرىلەتىن ماتەريالدىق كومەكتىڭ كولەمىن ارتتىرۋ تۋرالى شەشىم قابىلدادى. ولارعا 5 ميلليون تەڭگەدەن بەرىلەتىن بولادى دەپ حابارلايدى «اقتوبە- اقپارات» ورتالىعى.

بەلگىسىز توپتان قۇرالعان توپ ماۋسىمنىڭ 5-ءى كۇنى ەكى قارۋ-جاراق  دۇكەنى مەن اسكەري دۇكەنگە قارۋلى شابۋىل جاساعان بولاتىن. ءىىم مالىمەتىنشە شابۋىلداۋشىلاردىڭ باسىم بولىگى ۇستالعان، التى ادام ىزدەۋدە ءجۇر.

تەراكت سالدارىنان 7 اسكەري جانە ازاماتتىق تۇلعا قايتىس بولدى. مەملەكەت باسشىسىنىڭ تاپسىرماسىنا سايكەس، قازا بولعاندار مەن زارداپ شەككەندەرگە وبلىست اكىمدىگى تاراپىنان بارلىق قاجەتتى كومەكتەر كورسەتىلۋدە.

قازا تاپقان اقتوبەلىكتەردىڭ ىشىندە «پاللادا» قارۋ-جاراق دۇكەنىنىڭ 44 جاستاعى ساتۋشىسى اندرەي ماكسيمەنكو، 69 جاستاعى زەينەتكەر نيكولاي ونيششەنكو، 35 جاستاعى ميحايل ماتروسوۆ بار. ولار قىلمىسكەرلەردىڭ قولىنان كەزدەيسوق قازا بولدى. 33 جاستاعى «كۇزەت» قىزمەتكەرى مەرحان تاجىباەۆ قىزمەتتىك مىندەتىن ورىنداۋ كەزىندە قايتىس بولدى.

وتكەن جەكسەنبىدە بولعان قايعىلى وقيعاعا بايلانىستى 9 ماۋسىم قازاقستاندا ۇلتتىق ازا تۇتۋ كۇنى بولىپ جاريالاندى.

رەسپۋبليكا كولەمىندە تۋلار تومەن ءتۇسىرىلدى. مادەني-كوپشىلىك جانە سپورتتىق شارالار كەيىنگە شەگەرىلدى.  تەلە-راديولاردان بەرىلەتىن ويىن-ساۋىق باعدارلامالارى توقتاتىلدى.

اباي-اقپارات