ساراپشىنىڭ ايتۋىنشا، اتالعان رەسەيلىك جەلىدەن كەلەتىن قاۋىپ باسىم.

“سوڭعى وقيعالار كەزىندەگى جاعدايلاردا، فەيسبۋك ەمەس، ەڭ الدىمەن ۆكونتاكتە جەلىسىن يا تەجەۋ، يا مۇلدەم توقتاتۋ كەرەك. نەگىزى بارلىق ءجونسىز، ءمانسىز جانە قاۋىپتى بالەكەتتىڭ ءبارى سوندا” دەيدى ە.قارين. ونىڭ پىكىرىن بەلگىلى ساياساتتانۋشى ايدوس سارىم دا قولداپ وتىر. ول بارلىق بالە-جالا مەن سەپاراتيزمدى وسى ۆكونتاكتە جەلىسىنەن تابۋعا بولاتىنىن جازدى.

ايتا كەتەيىك، كەشەگى اقتوبەدە ورىن العان تەررورلىق اكتىلەردەن كەيىن قۇقىق قورعاۋشىلار ولتىرىلگەن جانە ۇستالعان لاڭكەستەردىڭ الەۋمەتتىك جەلىدەگى پاراقشالارىن اقتارىپ كوردى. بارلىعى دەرلىك ۆكونتاكتە جەلىسىنە تىركەلىپ، ينتەرنەتتەگى ءدىني توپتاردىڭ مۇشەسى بولعان.

جالپى، اتالعان جەلىدە تەك راديكالدى ءدىني اعىمدار عانا ەمەس، پورنوگرافيالىق مازمۇنداعى، جاستاردى سۋيتسيدكە شاقىراتىن كونتەنت جەتىپ ارتىلادى. ءبىزدىڭ قۇزىرلى ورگان وكىلدەرى ۆكونتاكتە جەلىسىن تولىقتاي ەمەس، تەك ىشىندەگى جەكەلەگەن توپتاردى عانا بۇعاتتاۋدان ارى اسا الماۋدا.

اباي-اقپارات