بۇرىنعى ءمۇفتي چۋباك قاجى جاليلوۆ Facebook جەلىسىندەگى پاراقشاسىندا اتالعان زاڭ جوباسىنا قارسى داۋىس بەرگەن دەپۋتاتتاردى سىناپ، ولاردىڭ اتى-جوندەرىن جاريالاعان.

جانار اكاەۆ بۇل سىنعا "جۇما نامازعا قارسى ەمەسپىن ءارى ورازا تۇتىپ ءجۇرمىن" دەپ جاۋاپ قايتارعان.

قىرعىزستاندىق الەۋمەتتىك جەلىنى قولدانۋشىلاردىڭ دەنى جانار اكاەۆتى قورعاعان. ولار "قىرعىزستان كونستيتۋتسياسى بويىنشا، ءدىن مەملەكەتتەن بولەك دەلىنگەنىن" اتاپ كورسەتكەن.

پارلامەنت كوميتەتىنىڭ وتىرىسىندا جۇما كۇنى مۇسىلماندار مەشىتكە بارىپ، ناماز وقۋ ءۇشىن تۇسكى استى ەكى ساعاتقا سوزۋ جونىندەگى زاڭ جوباسىن تالقىلاعان. بىراق كوميتەتتىڭ توعىز مۇشەسىنىڭ التاۋى تۇزەتۋلەرگە قارسى داۋىس بەرىپ، ءبىرىنشى وقىلىمدا كەرى قايتارعان.

اباي-اقپارات