اقوردانىڭ تۆيتتەر الەۋمەتتىك جەلىسىندەگى پاراقشاسىندا مەملەكەت باسشىسى ن. نازارباەۆ  ۇقك توراعاسى ۆلاديمير جۇماقانوۆتى قابىلداعانى تۋرالى جازىلدى.

گلاۆا گوسۋدارستۆا پرينيال پرەدسەداتەليا كوميتەتا ناتسيونالنوي بەزوپاسنوستي ۆ.جۋماكانوۆا.

— پرەسس-سلۋجبا اكوردى (@AkordaPress) June 8, 2016

كەزدەسۋ بارىسىندا ۆلاديمير جۇماقانوۆ مەملەكەت باسشىسىنا اقتوبە وبلىسىنداعى انتيتەررورلىق وپەراتسيانىڭ بارىسى جايىندا باياندادى.

ۇلتتىق قاۋىپسىزدىك كوميتەتىنىڭ توراعاسى قازىرگى ۋاقىتتا 13 ادامنىڭ كوزى جويىلعانىن، 14 ادامنىڭ جاراقات العانىن حابارلادى. سونىمەن قاتار، قىلمىس جاساۋعا دايىندالعان 20 ادامنىڭ باس تارتقانى جانە ولاردىڭ اتى-جوندەرى انىقتالىپ، جاۋاپ الىنعانى ايتىلدى. قازىرگى ۋاقىتتا 6 ادام ىزدەۋدە ءجۇر، ولار اقتوبە وبلىسىندا كوىرنەدى.

قازاقستان پرەزيدەنتى اقتوبە وبلىسىندا تەررورلىق ارەكەتتەرگە قاتىسى بار ادامداردى تاۋىپ، ۇستاۋ بويىنشا ءتيىمدى جۇمىس جۇرگىزۋدىڭ قاجەتتىلىگىن اتاپ ءوتتى.

ء«بىز ولاردىڭ وڭىردە ەكەنىن بىلەمىز، ولاردىڭ اتى-جوندەرى انىقتالدى، حالىققا ەسكەرتۋ جاسالدى. بارلىعىن، بىردە-ءبىرىن قالدىرماي ۇستاۋ قاجەت. قارۋلى قارسىلىق كورسەتسە، كوزدەرى جويىلسىن. بارلىعى ەڭ قاتال جازا السىن»، — دەدى نۇرسۇلتان نازارباەۆ.

قازىر قازاقستاندا تەررورلىق قاۋىپتىڭ سارى دەڭگەيى، ال اقتوبەدە قىزىل دەڭگەيى ەنگىزىلگەن. شابۋىل جاساعان 13 ادام وققا ۇشتى، تاعى تورتەۋى جارالاندى، ەندى التى ادام ىزدەۋدە ءجۇر.

Abai.kz