سەرىك ابدىرەشۇلى. قر پرەمەر-ءمينيسترى كارىم ماسىموۆكە ا ش ى ق ح ا ت
كارىم ءماسىموۆ، قر پرەمەر-ءمينيسترى:
«مەن مەملەكەتتىك ءتىلدى دامىتۋعا باستى نازار اۋدارعىم كەلەدى. قازاقستاندا قازاق ءتىلىن دامىتۋ - وتە كۇردەلى ماسەلە.
قازاقستان - تاۋەلسىز مەملەكەت، سوندىقتان بىزگە مەملەكەتتىك ءتىلدى دامىتۋ اسا قاجەت.»
(ارقالىق پەداگوگيكا ينستيتۋتىندا ايتىلعان ءسوز. 09.07.2010ج).
قازاقپارات اگەتتىگىنىڭ سايتى.
اسا مارتەبەلى پرەمەر-مينيستر!
ءسىزدىڭ قۇزىرىڭىزدىڭ پارمەندىلىگى مەن جوعارىلىعىن مويىنداي ءارى قۇرمەتتەي وتىرىپ، ءسىزدىڭ جوعارىدا ايتقان ۋاجىڭىزگە تاڭىرقاي ءارى جابىرقاي وتىرىپ، ساۋساقتارىمدى كومپيۋتەر تەرۋىشتەرىنە تيگىزۋگە ءماجبۇرمىن.
تاڭىرقاتقان ءارى جابىرقاتقان ءبىرىنشى سەبەپ، ءسىزدىڭ «مەن مەملەكەتتىك ءتىلدى دامىتۋعا باستى نازار اۋدارعىم كەلەدى.» دەۋىڭىز! وسى ۋاجىڭىزگە وراي، سىزگە امالسىز تۇردە مىنا ساۋالداردى قويۋعا تۋرا كەلەدى:
- «...باستى نازار اۋدارعىم كەلەدى.» دەگەن تىلەگىڭىز ءسىز پرەمەر بولعان كۇننەن باستاپ نەگە تۋىندامادى؟
- سىزگە كازىرگى قۇزىرلى لاۋازىم بۇيىرعان ءبىرشاما مەرزىم مەملەكەتتىك ءتىلدى دامىتۋعا باستى نازار اۋدارۋعا جەتكىلىكسىز بولىپ كەلدى مە؟
- «...قازاق ءتىلىن دامىتۋ - وتە كۇردەلى ماسەلە» بولسا، بۇعان دەيىن وعان نازارىڭىزدى نەگە اۋدارماي كەلدىڭىز؟
كارىم ءماسىموۆ، قر پرەمەر-ءمينيسترى:
«مەن مەملەكەتتىك ءتىلدى دامىتۋعا باستى نازار اۋدارعىم كەلەدى. قازاقستاندا قازاق ءتىلىن دامىتۋ - وتە كۇردەلى ماسەلە.
قازاقستان - تاۋەلسىز مەملەكەت، سوندىقتان بىزگە مەملەكەتتىك ءتىلدى دامىتۋ اسا قاجەت.»
(ارقالىق پەداگوگيكا ينستيتۋتىندا ايتىلعان ءسوز. 09.07.2010ج).
قازاقپارات اگەتتىگىنىڭ سايتى.
اسا مارتەبەلى پرەمەر-مينيستر!
ءسىزدىڭ قۇزىرىڭىزدىڭ پارمەندىلىگى مەن جوعارىلىعىن مويىنداي ءارى قۇرمەتتەي وتىرىپ، ءسىزدىڭ جوعارىدا ايتقان ۋاجىڭىزگە تاڭىرقاي ءارى جابىرقاي وتىرىپ، ساۋساقتارىمدى كومپيۋتەر تەرۋىشتەرىنە تيگىزۋگە ءماجبۇرمىن.
تاڭىرقاتقان ءارى جابىرقاتقان ءبىرىنشى سەبەپ، ءسىزدىڭ «مەن مەملەكەتتىك ءتىلدى دامىتۋعا باستى نازار اۋدارعىم كەلەدى.» دەۋىڭىز! وسى ۋاجىڭىزگە وراي، سىزگە امالسىز تۇردە مىنا ساۋالداردى قويۋعا تۋرا كەلەدى:
- «...باستى نازار اۋدارعىم كەلەدى.» دەگەن تىلەگىڭىز ءسىز پرەمەر بولعان كۇننەن باستاپ نەگە تۋىندامادى؟
- سىزگە كازىرگى قۇزىرلى لاۋازىم بۇيىرعان ءبىرشاما مەرزىم مەملەكەتتىك ءتىلدى دامىتۋعا باستى نازار اۋدارۋعا جەتكىلىكسىز بولىپ كەلدى مە؟
- «...قازاق ءتىلىن دامىتۋ - وتە كۇردەلى ماسەلە» بولسا، بۇعان دەيىن وعان نازارىڭىزدى نەگە اۋدارماي كەلدىڭىز؟
- بۇل نيەتتى ۇكىمەت باسى رەتىندە ەندى قاشان جانە قانداي ناقتى ارەكەتكە ۇلاستىرماقسىز؟
تاڭىرقاتقان ءارى جابىرقاتقان ەكىنشى سەبەپ، ءسىزدىڭ «قازاقستاندا قازاق ءتىلىن دامىتۋ - وتە كۇردەلى ماسەلە.» دەۋىڭىز! وسى ۋاجىڭىزگە وراي مىناداي ساۋالدار وزىنەن ءوزى تۋىندايدى:
- ءسىزدىڭ ويىڭىزشا، سوندا، قازاق ءتىلىن قازاقتاردىڭ وتانىندا دامىتۋ كۇردەلى بولىپ، موڭعوليادا دامىتۋ وڭاي ما؟
- «قازاق ءتىلىن دامىتۋ» دەگەن تىركەسكە قانداي ۇعىمدى سىيعىزىپ وتىرسىز، قازاق ءتىلى دامىماي قالعان ءتىل مە؟
- يۆريت ءتىلىن ءتىرىلتۋدى قولعا العاندا، يزرايلدىق ۇكىمەت باسىنىڭ ونى «وتە كۇردەلى ماسەلە» دەپ باعالاعان پايىمى مەن ءۋاجى بار ما؟
- اتالمىش ماسەلەنى «وتە كۇردەلى ماسەلە» دەپ باعالايتىنداي، بۇل ءۋاجىڭىزدى قانداي جايتقا نەگىزدەپ ايتتىڭىز: ماسەلەنى شەشۋگە قارسى ۇلكەن كۇش بار ما بولماسا ماسەلەنى شەشۋگە بۇعان دەيىن جۇمسالعان وراسان الەۋەت پەن رەسۋرس ناتيجەسىز بولدى ما، الدە قازاق ءتىلى قىرۋار ماسەلەلەردىڭ توعىسقان ءتۇيىنى مە؟
- بۇل ءۋاجىڭىز وزىڭىزگە تيەسىلى مە، الدە ونى عىلىمي ساراپتاما مەن مونيتورينگ ناتيجەسى كورسەتتى مە؟
تاڭىرقاتقان ءارى جابىرقاتقان ءۇشىنشى سەبەپ، ءسىزدىڭ «قازاقستان - تاۋەلسىز مەملەكەت، سوندىقتان بىزگە مەملەكەتتىك ءتىلدى دامىتۋ اسا قاجەت.» دەۋىڭىز! بۇدان تۋاتىن سۇراقتار:
- تاتارستان تاۋەلسىز ەل بولماسا دا، تاتار ءتىلىن دامىتۋدان باس تارتىپ وتىر ما؟
- قازاق ءتىلىن دامىتۋ شارالارى، قازاقستان كەڭەس وداعى قۇرامىندا بولعاندا، قولعا الىنبادى ما؟ ەندەشە ءتىلبىلىم ينستيتۋتى سەكىلدى قۇرىلىمدار مەن جۇزدەگەن عىلىمي-لينگۆيستيكالىق ونىمدەر قايدان شىقتى؟
- «...سوندىقتان بىزگە مەملەكەتتىك ءتىلدى دامىتۋ اسا قاجەت» دەۋمەن كىمنىڭ كوزىن جەتكىزگىڭىز كەلىپ وتىر، قازاقستان تاۋەلدى بولعاندا، قازاق ءتىلى قۇريتىن تىلدەردىڭ قاتارىنا ءسوزسىز جاتۋعا ءتيىس پە ەدى؟
قۇرمەتتى پرەمەر مىرزا!
ءسىز ۋاجدەپ وتىرعان «قازاقستاندا قازاق ءتىلىن دامىتۋ - وتە كۇردەلى ماسەلە.» دەگەن پايىم شىن مانىندە قايدان تۋىنداپ وتىر؟ دەگەن ساۋالعا ءوز جاۋابىمدى بەرە كەتەيىن. بۇل - قازاقستاندىق مەملەكەتتىك ورگاندار مەن ۇيىمداردىڭ مەملەكەتتىڭ باستى رۋحاني سيپاتىنا قازاقى مازمۇن بەرۋگە نەمقۇرايلى قاراۋىنان جانە ولاردىڭ باسشىلارىنىڭ بۇنى مەملەكەتتىك ىشكى ساياساتتىڭ مايەگى ەكەندىگى مەن قازاق ۇلتىنىڭ تاۋەلسىزدىگى ونىڭ تىلىنەن كورىنىس تاباتىنىن سەزىنبەۋىنەن; ماسەلەنى ايقىنداپ، ناقتى شەشۋدىڭ ورنىنا، جايداق تا كوكەزۋ ناسيحاتپەن قۇتىلۋدان تۋىنداپ وتىرعان «كۇردەلى ماسەلە». بۇعان سوڭعى بىرنەشە جىل بويى قازاق ۇكىمەتىن باسقارىپ كەلگەن ءسىزدىڭ دە قاتىسىڭىز بار!
ءسىز باسقارىپ وتىرعان ۇكىمەت «تىلدەردى قولدانۋ مەن دامىتۋدىڭ 2001-2010 جىلدارعا ارنالعان مەملەكەتتىك باعدارلاماسى» اتالعان ساعىزداي سوزىلعان قاۋقارسىز دا بۇلدىر قۇجاتتىڭ قازاق ءتىلىن دامىتۋعا قانداي قاتىسى بارىن قاراۋعا تالپىنعان ەمەس. ماقساتى مەن كۇتىلەر ناتيجەسى انىقتالماعان، جاۋاپسىز مۇنداي قۇجاتتاردىڭ بولماشى ماسەلەلەردى قوردالاندىرىپ، وعان اسا كۇردەلى سيپات بەرەتىنىن ءسىزدىڭ ۇكىمەتكە قاراستى ورگاندار ەسكەرگەن ەمەس. ءتىپتى، ونجىلدىق بۇل پروگراممانىڭ ءوز مۇراتىنا قانشالىقتى جەتكەنىن سارالايتىن ىسكەر دە بىلىكتى ساراپتىڭ جوقتىعى ءوز الدىنا، ەندى سودان ايىرماسى از، مەرزىمى دە سونداي تاعى دا ونجىلدىق پروگرامماسىماق تۋىنداعالى وتىر. ويتكەنى، باسقاسىن بىلاي قويعاندا، «مەملەكەتتىك ءتىلدى دامىتۋ جونىندەگى مەملەكەتتىك كوميسسيا» اتالاتىن ءسىز باسقارىپ وتىرعان ۇكىمەتتىڭ جانىنداعى قۇرىلىم مەملەكەتتىك ءتىلدى دامىتۋعا دارمەندى دە پارمەندى قۇجات ازىرلەۋگە قاۋقارسىز، ىسكەر ماماندار مەن بىلىكتى ساراپشىلاردان قۇرالماعان! ەلدىڭ ءتىل ساياساتىنا ناقتى ىقپالى بولارلىق تەتىككە اينالماسا دا، وسى ساياساتقا قاتىسى بار قوعامداعى ينتەللەكتۋالدىق كۇشتەردىڭ بىلىگى مەن ۇسىنىسىن جۇمىلدىرا دا، ونى ىسكە اسىرا دا الماي وتىر.
وسى جايتتىڭ كورىنىسى رەتىندە مەملەكەتتىك ءتىلدى ءبىلۋ دەڭگەيىن انىقتايتىن قازتەست جۇيەسى 2006-2008 جىلدار ارالىعىندا قالىپتاسىپ، قولدانىسقا ءازىر بولعانىنا قاراماستان، ءالى كۇنگە مىندەتىن اتقارۋعا كىرىسە الماي كەلەدى، سەبەپ - ونىڭ مىندەتىن زاڭداندىراتىن ەڭ بولماسا ۇكىمەت قاۋلىسى قابىلدانباستان، ءتۇرلى سىلتاۋلاردىڭ شاڭىنا كومىلىپ، قوعامدا وعان دەگەن سان الۋان ساۋالدار تۋعىزۋدا. اتالعان وسى جايتتاردىڭ ءوزى ماسەلەنىڭ كۇردەلىلىگى نەدەن تۋىنداپ وتىرعانىن ۇقتىرماي ما، پرەمەر مىرزا؟
قۇرمەتتى كارىم قاجىمحانۇلى!
ءسىز پرەمەر رەتىندە اتالمىش كۇردەلى ماسەلەنىڭ بايىبىن تۇسىنۋگە تىرىستىڭىز با؟ تىرىسساڭىز، مىناداي قاراپايىم ماسەلەلەرگە كوزىڭىز جەتكەن بولار ەدى! ءسىزدىڭ ۇكىمەتىڭىزدىڭ كەيبىر مۇشەلەرى ءوز قالتاسىنان اقشا شىعارعانداي، اۋىز تولتىرىپ، مەملەكەتتىك ءتىلدى دامىتۋعا بەس ميلليارد تەڭگە بولىنگەنىن ايتۋدان تانبايدى. الايدا، سول ميللياردتار قايدا، قاشان بولىنگەنى جانە ودان قاي ناتيجە الىنعانى نەگە ايتىلمايدى؟ ايتا الاسىز با، رەسپۋبليكالىق بيۋدجەتتىڭ قاي بابى بويىنشا قاي جوباعا سول بەس ميلليارد تەڭگە مەملەكەتتىك ءتىلدى دامىتۋعا قاشان بولىنگەنىن؟ بولىنسە، اتالمىش سالا بويىنشا ماسەلەنى ەڭسەرۋ بەس قادامعا العا جىلجىدى ما؟ جوق!
ويتكەنى، مەملەكەتتىك ءتىلدى دامىتۋعا بولىنگەن قارجى مەن مەملەكەتتىك قىزمەتكەرلەردىڭ قاجەتىن وتەۋگە، جەلبۋاز ناسيحات شارالار مەن ناتيجەسىز وتىرىستارعا بولىنگەن قارجى شاتاسقان تۇردە ايتىلىپ ءجۇر. ميلليونداعان مەملەكەت قارجىسى مەملەكەتتىك قىزمەت اتقارۋعا دايىندىقسىز كەلگەن قىزمەتشىلەرگە قازاق ءتىلىن ۇيرەتۋگە نەگىزسىز ءبولىنىپ وتىر جانە ونىڭ تيىمدىلىگىن تەكسەرىپ وتىرعان ۇكىمەت جوق. ءبىزدىڭ ەلدەن باسقا الەمنىڭ ءبىر دە ءبىر ەلىنەن، مەملەكەت ءىسىن مەملەكەتتىك ءتىلدى الماستىراتىن وزگە تىلدە جۇرگىزەتىن، حالىقپەن شەت تىلدە قاتىناساتىن ءبىر دە ءبىر ورگاندى دا، لاۋازىمدىنى دا، قىزمەتشىنى دە تابا المايسىز، پرەمەر مىرزا!
بۇل جايت سىزگە دە قاتىستى. ءسىزدىڭ ۇكىمەت وتىرىسىن ەشبىر شەت تىلدە جۇرگىزۋگە قاقىڭىز جوق! قاسىڭىزعا ءتىلماش پەن ءتىل ۇيرەتۋشىنى وتىرعىزساڭىز دا، مينيسترلەرمەن، اكىمدەرمەن ءماسليحاتتى قازاقشا جۇرگىزۋىڭىز كەرەك! ويتكەنى، بۇل مەملەكەتتىك ساياسي پرينتسيپ! ونداي ءپرينتسيپسىز ەشبىر مەملەكەت ءوزىنىڭ ساياسي-رۋحاني ءيميدجىن دە، يدەولوگياسىن دا دامىتا المايدى، ابىرويىن اسقاقتاتپايدى. قىسقاسى، قازاق ءتىلىنىڭ رەسمي دەڭگەيدەگى ابىرويى مەن اياسىن ءوزىڭىز باستاپ تارىلتىپ وتىرسىز، وعان مينيسترلەرىڭىز بەن اكىمدەرىڭىز وزدەرىنىڭ مول ۇلەسىن قوسىپ وتىر! بۇل جايت تا، ءسىز اتاعان كۇردەلىلىكتىڭ ءبىر ءتىنىن جۋانداتىپ تۇرعان نارسە ەمەس پە؟
ەندى كازىر ازىرلەنىپ جاتقان كەزەكتى ونجىلدىققا ارنالعان باعدارلاماعا ورالايىق. بۇل باعدارلامانىڭ تۇجىرىمداماسى قوعامعا جاريالانباعاندىقتان، ونىڭ ماقساتىنىڭ دا ايقىندىعىنا ءشۇبامىز بار. ءتىپتى، «قازاق ءتىلىن دامىتۋ» دەگەن تىركەستىڭ ءوزى دە سونداي بۇلدىر قادامداردان تۋىنداعان بۋالدىر ۇعىم بولىپ تابىلادى. سوندا بۇل باعدارلاما ءتىلدى قاي جاعىنان دامىتپاق؟ قىسقاسى، ناقتى ماسەلە ايقىندالىپ، انىق سۇراق قويىلمايىنشا، ەشبىر ماسەلە شەشىلمەيتىنىن ءوزىڭىز جاقسى بىلەسىز. دەمەك، ماسەلەنىڭ كۇردەلىلىگى دە سول نىق قادام مەن ايقىن ويدىڭ ارەكەتكە ۇلاسپاۋىندا ەمەس پە، پرەمەر مىرزا؟
الگى ايتۋعا جەلەۋ بولىپ جۇرگەن ميللياردتار دا سونداي بۇلدىر ىسكە جۇمسالىپ، قۇمعا سىڭگەن سۋداي بولىپ جاتقان قاراجات ەمەس پە؟ ءتىپتى، مەملەكەتتىك ءتىلدىڭ قولدانىم ورتاسى بارىنشا تارىلعان مەملەكەتتىك دالىزدەردە وگەي ءتىلدى انا ءتىلى ەتكەن ازاماتتارعا قازاق ءتىلىنىڭ گرامماتيكاسىن جىلدار بويى وقىتىپ، جىل سايىن ناتيجەسىز قارجى جۇمساۋ قانداي قيسىنعا جاتادى، سونى سۇراستىردىڭىز با؟ ءورىستىلدى ورتاعا شىداي الماي، مەملەكەتتىك ءتىلدى قولدانا الماي، مەملەكەتتىك قىزمەتتەن شىعىپ كەتكەن ازاماتتاردى بىلەسىز بە؟
ەلدەگى تاۋار اينالىمىنا قاتىستى جارنامالار مەن اقپاراتتاردىڭ، بيزنەسكە قاتىستى وتىرىستار مەن سەمينارلاردىڭ بارلىعى دەرلىك وزگە تىلدەردە ءوتىپ، تارالاتىنىن، ءسويتىپ، قازاقتىلدى ازاماتتاردىڭ قۇقىعى اياقاستى بولىپ وتىرعانىن جاقسى بىلەسىز عوي؟ ەڭ بولماسا، ەلگە كىرەتىن تۇتىنىم تاۋارلارىنداعى جاپسىرمالارعا دا ءتىل بويىنشا يمپورتتىق تالاپتار نەگە قاتار قويىلمايدى؟ وسىلاردى ۇيىمداستىرۋ مەن تالاپ ەتۋ قانشالىقتى كۇردەلى؟ وسى جىلدار ىشىندە اتالمىش ماسەلەلەر بويىنشا ۇكىمەت نە ىستەدى؟ ءتيىستى تۇردە ۇكىمەت شەشىمىن قابىلداساڭىز، «قازاقستاندا قازاق ءتىلىن دامىتۋ - وتە كۇردەلى ماسەلە» بولار ما ەدى؟
ءسىز ءبىر ەلدىڭ پرەمەرى رەتىندە ءبىزدىڭ ەلدەگى مەملەكەتتىك تىلدەگى ءبىلىم بەرۋ جۇيەسى بۇدان ون توعىز جىل بۇرىن ىدىراعان كەڭەس وداعىنىڭ ەتنوستىق سيپاتىنان ءالى ارىلماعانىن بىلەسىز بە؟ ءبىزدىڭ ەلدە قازاق، ورىس، ۋكراين، نەمىس، وزبەك، ۇيعىر ت.ت. ەتنوستىق مەكتەپتەر بولعانمەن، مەملەكەتتىك سيپاتى بار مەكتەپ پەن بالاباقشا جوعىن اڭعاراسىز با؟ ون جەتى جاسقا كەلگەنشە الۋان ەتنوس تىلدەرىندە عۇمىر كەشىپ، وزدەرىن وزگە ەلدىڭ وكىلى سەزىنىپ كەلگەن ادامعا قولدانىم اياسى مەيلىنشە تارىلعان قازاق ءتىلىن ۇيرەتۋدىڭ اسا كۇردەلىلىگىن ەسكەرەسىز بە؟ ەلدەگى ءبىلىم بەرۋ مەن تاربيە سالاسىنا مەملەكەتتىك مازمۇن بەرۋ تۋراسىندا، ءسىرا، ۇكىمەتتىك وتىرىس بولدى ما؟
پرەمەر مىرزا! ءسىز قازاق ءتىلىنىڭ قولدانىم اياسىن قۇرايتىن اقپارات كەڭىستىگىنىڭ قاي ءتىلدىڭ پايداسىنا شەشىلگەنىنە نازار اۋدارىپ وتىرسىز با؟ ەلدەگى قازاقتىلدى باقتىڭ ۇلەسىندە نەبارى 5-7% عانا اقپارات ءونىمى تيەسىلى ەكەنىنەن حاباردارسىز با؟ ەندەشە ماسەلەنىڭ كۇردەلىلىگىن حالىققا جايۋدىڭ قانشالىقتى قيسىنى بار؟ ونىڭ بارلىعى ءسىز باسقارىپ وتىرعان ەلدەگى باستى مەملەكەتتىك ورگان جۇمىسىنىڭ ناتيجەسى ەمەس پە؟!
قۇرمەتتى كارىم قاجىمحانۇلى!
ءسىز - الەمدەگى تۇركى حالىقتارىنا تيەسىلى ساناۋلى ۇكىمەتتىڭ ءبىرىن باسقارىپ وتىرعان باۋىرىمسىز. ءسىز قازاق ءتىلىنىڭ تۇركى تىلدەرىنىڭ باي دا ىرگەلى لەكسيكالىق قورىن قالىپتاستىرعان جانە گرامماتيكالىق دامۋى جاعىنان الەمدىك دەڭگەيدەگى اعىلشىن تىلىنە بارىنشا جۋىق، تابيعي الەۋەتى مەن يكەمى زور ءتىل ەكەنىن جاقسى ءبىلۋىڭىز كەرەك! قازاق ءتىلىنىڭ دامۋى مەن تارالۋى بارلىق تۇركى تىلدەرىنىڭ نىعايۋىنا زور الەۋەت ەكەنىن سەزۋىڭىز قاجەت! ەندەشە ماسەلەنى بارىنشا بادىرايتىپ، اقتالۋدىڭ ورنىنا، ءسىزدىڭ بۇل سالاداعى ۇلەسىڭىزدىڭ تاريحي ماڭىزدى دا مازمۇندى ارەكەتپەن قامتىلعانى قيسىندى ەمەس پە؟ ءسىز پرەمەر رەتىندە دە، ەل ازاماتى ەسەبىندە دە، قازاق تىلىنە ايىرىقشا ۇلەس قوسۋ ميسسياڭىزدىڭ ەرەكشە ەكەنىن ەسكەرگەنىڭىز ءجون. ەلىمىزدىڭ تۇڭعىش پرەزيدەنتىنىڭ باستاماسىمەن قۇرىلعان مەملەكەتتىك ءتىلدى دامىتۋ قوعامدىق قورى قارجىلىق زارۋلىككە ۇشىراپ وتىر، ءسىز باستاعان شەندىلەر توبى وزدەرىنىڭ جەكە ۇلەسىن بۇل تاراپقا دا سالىپ، ازاماتتارعا جەكەلەي ۇلگى كورسەتۋى ءتيىس ەمەس پە؟!
سىزگە بۇل اشىق حاتتى جولداۋ ارقىلى جەكە باسىڭىزدى مىنەپ، ابىرويىڭىزعا نۇقسان كەلتىرۋدى ويلاۋدان اۋلاقپىن. دەگەنمەن دە، قوعامدا قالىپتاسقان كەرتارتپا پىكىرلەر مەن جايتتاردان اباي بولۋدى ەسكەرتكىم كەلدى.بىراق سىزگە وراسان تابيعي جانە ەكونوميكالىق رەسۋرستى باسقارۋ بۇيىرعان، الەمدەگى اۋماعى جاعىنان توعىزىنشى ورىندى يەلەنىپ وتىرعان تاۋەلسىز ەلدىڭ ۇكىمەت باسى رەتىندە مەملەكەتىمىزدىڭ يدەولوگيالىق، لينگۆيستيكالىق جانە رۋحاني نىشانى بولىپ تابىلاتىن مەملەكەتتىك ءتىلى تۋراسىندا بۇلاي ايتۋىڭىز، جاراسپايدى. ماسەلەنىڭ كولەمىن حالىق باعالاپ، ال ءسىز سونى ايقىنداۋ مەن شەشۋدى قولعا الساڭىز - نۇر ۇستىنە نۇر بولار ەدى.
ارينە، بىرنەشە عاسىر بويى بوداندىقتا بولعان ءتىلدىڭ مەملەكەتتىك مارتەبەگە جاراتىلۋى كۇردەلى جايتتاردى تۋىنداتىپ، ونى شەشۋ سايكەس تۇردە ۇلكەن الەۋەت پەن رەسۋرستى، جانقيارلىق ارەكەتتى كەرەكسىنەتىنى بەلگىلى. بۇل ماسەلە بويىنشا اتقارماقشى ءىسىڭىز بەن نيەتىڭىز جەمىستى بولار دەگەن ءۇمىت ارالاس تىلەك بىلدىرەمىن.
قۇرمەتپەن، سەرىك ابدىرەشۇلى.
قر ازاماتى.
