NRP مالىمەتىنشە، شابۋىل جەكسەنبى كۇنى ماردجا قالاسىنا جاقىن جەردەگى گيلمەند ەلدى-مەكەنىندە ورىن العان. دجيلكي مەن ونىڭ اۋدارماشىسى زابيۋللا تامانن اۋعان اسكەرىمەن بىرگە كەتىپ بارا جاتقاندا، اتىستىڭ ورتاسىنا تاپ بولعان. دجيلكيمەن بىرگە امەريكالىق راديونىڭ تاعى دا ەكى قىزمەتكەرى بولعان. بىراق ولار زارداپ شەكپەگەن.

دەۆيد دجيلكي – اۋعانستان جانە يراكتاعى ۇرىس الاڭدارىنان حابار تاراتقان فوتوگراف جانە ۆيدەورەداكتور. "ادام رەتىندە جانە فوتوجۋرناليست رەتىندە دەۆيد اينالاسىنا وتە مەيىرىمدى ءارى مۇقيات بولاتىن", – دەپ ەسكە الادى NRP ۆيتسە-پرەزيدەنتى مايكل ورەسكەس.

دەۆيد دجيلكيدىڭ جاسى ەلۋدە. ول دجوردج پولك اتىنداعى سىيلىقتىڭ جانە "ەممي" جۇلدەسىنىڭ يەگەرى ەدى.

جۋرناليستەردى قورعاۋ كوميتەتىنىڭ مالىمەتىنشە، 2001 جىلدان اقش-تىڭ اۋعانستاندا اسكەري وپەراتسياسى باستالعاننان بەرى اۋعان جەرىندە 26 جۋرناليست قازا تاپقان.

اباي-اقپارات