وزگەنى قايدام، ساقال قويىپ، مۇرتتى تىقىرلاعان كەز كەلگەن قازاقتى كورگەن سايىن جۇرەگىم اۋىرادى. وندايلار كۇن ساناپ قاپتاپ كەلەدى. ولارعا ءبىر جاعى جانىم دا اشيدى...

جان-جاعىمىزدان جاۋ اڭتالاپ تۇر. ال ءبىز "و دۇنيەدەگى باقىتتى" ويلاپ، ءوز ۇرپاعىمىزدىڭ بولاشاعىن اياقاستى ەتىپ جاتىرمىز. ءال-ءفارابيدىڭ "قايىرىمدى قالا تۇرعىندارى" تراكتاتىنداعى وسى دۇنيەنى باقىتتى جۇماققا اينالدىرۋ دەگەن ۇعىمى ۋاھابيلەردە قايدان بولسىن؟ كوشپەلىلەردىڭ ۇرپاعى جولىندا قۇربان بولاتىن دانالىعى، ءومىرىنىڭ جالعاسىن پەرزەنتتەرىمەن، ولاردىڭ باياندى بولاشاعىمەن ولشەيتىن دارالىعى قايدان قاپەرگە الىنسىن؟ جۇرەكتى سان ساۋال مازالايدى؟ شاڭىراعى شايقالىپ، ءدىني مۋتانتتار قولىنان قازا تاپقانداردىڭ وبال-ساۋابى كىمگە؟ جەر ماسەلەسىندە "جەدەلدىك" تانىتقان بيلىك سانسىز ءدىني مۋتانتتاردان ەلدى قورعاي الا ما؟ قيساپسىز ۋاھابيلەرگە قارسى قويار امالى قايسى؟ وسىنداي ساۋالدار جۇيكەنى جەگىدەي جەيدى... الدە كۇل بولماساڭ، بۇل بول دەپ، فلەش-موپ، اكتسيا، كۆن، دەبات دەپ بوسقا دالاعا اقشا شاشىپ، "ساندالباي سايۋز" جىرىن قايتالاپ جۇرە بەرەمىز بە؟ ۇلتتار دوستىعى دەپ ۇرانداپ قازاقتىڭ باسىنا بۇلت ۇيىرىلگەندە ءبىر كۇن دە تۇراقتامايتىندارعا جاعداي جاساپ جۇرە بەرەمىز بە؟

ارمان اۋباكىر

Facebook-تەگى پاراقشاسىنان