ساۋديالىق سىرتقى ىستەر ءمينيسترى ادەل ال-دجۋبەير يران تارابىنىڭ شەرۋ ۇيىمداستىرۋعا جانە بىرقاتار جەڭىلدىكتەر جاساۋعا رۇقسات سۇراعانىن مالىمدەدى. ءمينيستردىڭ پىكىرىنشە، مۇنداي شارالار ساۋد ارابياسىنداعى قاسيەتتى قالالارعا قاجىلىق كەزىندە الاساپىران تۋدىرۋى مۇمكىن.

مۇنىڭ الدىندا يراننىڭ مادەنيەت ءمينيسترى ءالي دجانناتي يراندىقتاردىڭ بيىلعى قاجىلىققا بارمايتىنىن حابارلاعان.

2015 جىلى 460-ان استام يراندىق زيارات ەتۋشى مەككەدەگى قاجىلىق كەزىندەگى كەپتەلىستەن كوز جۇمعان. يران بيلىگى ەر-ريادتى ءدىني شارالاردى ۇيىمداستىرۋدا كەمشىلىك جىبەرگەنى ءۇشىن ايىپتاعان.

سۇننيتتىك اعىمداعى كورولدىك وتباسى بيلىك قۇرعان ساۋد ارابياسى شيتتەر بيلەيتىن يرانمەن بيىلعى جىلدىڭ قاڭتارىندا قارىم-قاتىناسىن ۇزگەن. ەكى ەل اراسىنداعى جاعدايدىڭ كۇرت ناشارلاۋىنا تەگەرانداعى ساۋد ەلشىلىگى مەن كونسۋلدىعىنا يراندىق شەرۋشىلەردىڭ وت قويعانى سەبەپ بولدى. يراندىقتار ساۋد ارابياسىنىڭ تانىمال شيت ءدىنباسىن ءولىم جازاسىنا كەسكەنىنە وسىلاي نارازىلىق بىلدىرگەن ەدى.

اباي-اقپارات