قىرعىزداردان كەشىرىم سۇراپ بىتتىڭىزدەر مە؟
الاتوونىڭ ارعى بەتىندەگى اعايىننان كەشىرىم سۇراپ بىتتىڭىزدەر مە؟
ارىستانبەكتى اقتاۋعا، سىزدەردى داتتاۋعا، مۇندا تالاسۋعا ەشقانداي تىلەگىم جوق، تەك ءبىر ويىمدى ايتپاسام، ءولىپ بارادى. كەشىرىمدى سوعان مۇددەلى، وزىندە وكىلەتى بار ادام سۇراسا مەيلى، جوق، جۇرتتىڭ جاپپاي قىرعىزدان كەشىرىم سۇراۋى انەبىر مايكل دجەكسونعا كوڭىل ايتىپ قايعىرۋ سياقتى ماعىناسى كۇماندى تىرلىك پە دەپ قالامىن) الەۋمەتتىك جەلىنىڭ ءوز اعىسى بولادى. وعان ىلەسە اقپاساڭ، تولقىن سەنى جاعاعا لاقتىرىپ جىبەرەتىندەي ۇرەي بەرە مە ەكەن، ايتەۋىر، ۇلى تۇلعالار قايتىس بولعاندا ونىڭ وسى ۋاقىتقا دەيىن فاناتى بولماعان ادامنىڭ ءوزى قايعىرىپ، كوڭىل ايتاتىنى ترەندتەن باسقا تۇك تە ەمەس سەكىلدى ماعان. وزىنە ەتەنە جاقىن بىرەۋ بولسا، مەيلى...
ايتپەسە، 2011 جىلى رينات زايىتوۆ قىرعىزدىڭ االى تۇتقىشەۆىنە «قايتەيىن، قىرعىز باۋىرىم، سەن بار نارسەڭدى دال قىلدىڭ. ۇرىنى دا حان قىلدىڭ، قارانى دا حان قىلدىڭ. ول از بولعانداي سوڭىندا، ايەلگە تىزگىن الدىردىڭ.... قىرعىزدىڭ تەڭ جارتىسى، بازارىندا قازاقتىڭ، اس-كيىمىن تاۋىپ ءجۇر. ءبىراز قىزىڭ ءبىز جاقتا، ساۋداعا ءتانىن سالىپ ءجۇر» دەگەندە ارىستانبەگىڭنىڭ كەشەگى ءسوزى ويناماي قالعان ەدى. بۇدان دا زورىن ايتقان-دى... بۇل ايتىس قارىمتا ايتىسقا ۇلاسىپ، وعان سول كەزدە ءالى دامىماي جاتقان قازنەت پەن قىرنەت سۇمدىق رەزونانس بەرىپ، سوڭى قىرعىز اعايىننىڭ بىزگە قاتتى وكپەلەۋىنە اپارىپ ەدى. ونىڭ الدىندا ەكىنشى رەۆوليۋتسياسى كەزىندە بىرازعا دەيىن شەكارانى جاۋىپ تاستاۋىنان-اق كوڭىلى ءبۇلىنىپ جۇرگەن.
ايتايىن دەگەنىم، كەشىرىم سۇراۋدىڭ رەتى نەگىزى سول كەزدە كەلىپ ەدى عوي، ءا، الدە كەيىنگى جىلدارى جۇرەگىمىز ءجىبىپ، كەشىرىمشىل بولىپ كەتتىك پە؟
وركەن كەنجەبەك
Facebook-تەگى پاراقشاسىنان
