"T4" بازاسىنداعى (باسقا اتاۋى – "تياس") ءتورت رەسەيلىك تىكۇشاقتىڭ​ جويىلعانى جايلى Stratfor 24 مامىردا حابارلادى. Stratfor تەحنيكانىڭ جويىلعانعا دەيىنگى جانە ودان كەيىنگى سپۋتنيكتىك سۋرەتتەرىن جاريالادى. ولاردا ءورتتتىڭ ىزدەرى مەن تىكۇشاقتار جانە وزگە اسكەري تەحنيكالاردىڭ جانىپ كەتكەن قاڭقالارى بايقالادى. كومپانيا ساراپشىلارى جازعان ءبىر بولجام بويىنشا، بۇل "يسلام مەملەكەتى" سودىرلارىنىڭ بازاعا شابۋىل جاساعانىنىڭ ناتيجەسى. لاڭكەستىك ۇيىم 14 مامىردا بولعان شابۋىلدى موينىنا العان ەدى.

رەسەيدىك قورعانىس مينيسترلىگى بۇل مالىمدەمەلەردى جوققا شىعاردى. ونىڭ وكىلى يگور كوناشەنكوۆ "سيريا اراب رەسپۋبليكاسىنداعى بارلىق رەسەيلىك تىكۇشاق لاڭكەستەردىڭ كوزىن جويۋ تۋرالى جوسپار بويىنشا مىندەتتەرىن اتقارىپ جۇرگەنىن، رەسەيلىك اۋە بازاسىنىڭ قۇرامىندا قازا تاپقانداردىڭ جوق ەكەنىن" مالىمدەدى. T4 بازاسىنا شابۋىل جاسالعانى تۋرالى جاڭالىقتى يم ۇگىت-ناسيحاتىنىڭ قۋلىعى رەتىندە اتادى.

اباي-اقپارات