قازاقستاننىڭ پرەمەر-ءمينيسترىنىڭ رەسمي سايتى بىشىمباەۆتىڭ كونسەرۆاتيۆتى بولجام بويىنشا، ەكونوميكالىق ءوسىم "كەمىندە 0,5 پايىز" بولادى دەگەن سوزدەرىن جاريالاعان. ەكونوميكالىق بولجام مۇناي باعاسى باررەلىنە 30 دوللار بويىنشا جاسالعان.

"قازىر وزدەرىڭىز كورىپ وتىرسىزدار مۇناي باعاسى ءوستى. ارينە بۇل قازاقستان ەكونوميكاسىنا دا اسەر ەتەدى (…) ۇلتتىق ۆاليۋتا كۋرسىنىڭ تۇراقتىلىعى مەن ينۆەستيتسيالىق كليماتتىڭ جاقسارۋى وپتيميستىك بولجام جاساۋعا مۇمكىندىك بەرەدى", - دەيدى بىشىمباەۆ.

الايدا حالىقارالىق رەيتينگتىك اگەنتتىكتەر قازاقستان ەكونوميكاسىندا بيىل السىرەۋ بولادى دەگەن بولجام ايتادى. Fitch Ratings حالىقارالىق رەيتينگتىك اگەنتتىك ءساۋىر ايىندا قازاقستاننىڭ ءىجو 1 پايىزعا تومەندەيدى دەپ بولجاعان. Standard & Poor's اگەنتتىگى ناۋرىز ايىندا قازاقستاننىڭ ەكونوميكالىق احۋالى جونىندە 2016 جىلى ءىجو ءوسىمى بولمايدى، كەرى كەتۋى مۇمكىن دەگەن. اگەنتتىك ساراپشىلارى ەلدىڭ ۇزاقمەرزىمدى ەكونوميكالىق ءوسىمى مۇناي باعاسىنا، قاشاعان جوباسىنىڭ جۇزەگە اسۋى مەن قۇرىلىمدىق رەفورما جۇرگىزىلۋىنە تاۋەلدى بولاتىنىن اتاپ وتكەن.