Қазақстанның премьер-министрінің ресми сайты Бішімбаевтың консервативті болжам бойынша, экономикалық өсім "кемінде 0,5 пайыз" болады деген сөздерін жариялаған. Экономикалық болжам мұнай бағасы барреліне 30 доллар бойынша жасалған.

"Қазір өздеріңіз көріп отырсыздар мұнай бағасы өсті. Әрине бұл Қазақстан экономикасына да әсер етеді (…) Ұлттық валюта курсының тұрақтылығы мен инвестициялық климаттың жақсаруы оптимистік болжам жасауға мүмкіндік береді", - дейді Бішімбаев.

Алайда халықаралық рейтингтік агенттіктер Қазақстан экономикасында биыл әлсіреу болады деген болжам айтады. Fitch Ratings халықаралық рейтингтік агенттік сәуір айында Қазақстанның ІЖӨ 1 пайызға төмендейді деп болжаған. Standard & Poor's агенттігі наурыз айында Қазақстанның экономикалық ахуалы жөнінде 2016 жылы ІЖӨ өсімі болмайды, кері кетуі мүмкін деген. Агенттік сарапшылары елдің ұзақмерзімді экономикалық өсімі мұнай бағасына, Қашаған жобасының жүзеге асуы мен құрылымдық реформа жүргізілуіне тәуелді болатынын атап өткен.