ەۋروپالىق سوت رەسەيدى جۋرناليستكە كەلگەن زياندى وتەۋگە مىندەتتەدى
ادام قۇقىقتارى جونىندەگى ەۋروپالىق سوت رەسەيدى پوليتسياداعى ازاپتاۋلارعا شاعىمدانعان ۆورونەجدىك جۋرناليست پاۆەل مانجوسقا 16 375 ەۋرو كولەمىندە مورالدىق وتەماقى مەن سوت شىعىنىن وتەپ بەرۋگە مىندەتتەدى. بۇل تۋرالى "وبششەستۆەننىي ۆەرديكت" قورى حابارلادى.
ەۋروپالىق سوت مانجوستىڭ ىسىندە ازاپتاۋلارعا تىيىم سالۋ بابى بۇزىلعان، قاتىگەز جانە ادامشىلىققا جاتپايتىن جايتتار بويىنشا دۇرىس تەرگەۋ جۇرگىزىلمەگەن دەپ تاپقان.
قوردىڭ دەرەگىنشە، 2008 جىلى پاۆەل مانجوستى توقتاتقان ۆورونەجدىك ءاىىب قىزمەتكەرلەرى ەش تۇسىنىكسىز جانە سەبەپسىز اكىمشىلىك قۇقىق بۇزۋشىلىق تۋرالى حاتتاماعا قول قويۋىن تالاپ ەتكەن. جۋرناليست باس تارتقان سوڭ ونى سوققىعا جىققان، شارباققا كىسەندەپ قويىپ، 40 مينۋت بويى اسىلعان كۇيى قالدىرعان. مانجوس قانشا مارتە ارىزدانسا دا، قۇقىق قورعاۋ ورگاندارى قىلمىستىق ءىس قوزعاۋدان باس تارتقان.
اباي-اقپارات
