ناۋقاس بالالاردى ەمدەۋدە  ايتارلىقتاي كومەك قولىن سوزىپ جۇرگەن قوردىڭ ديرەكتورى ارۋجان ساين  ەلىمىزدە پانتەون سالۋعا تۇبەگەيلى قارسى. قوعام بەلسەندىسى مينيستر ارىستانبەك  مۇحامەديۇلىنىڭ «پانتەون قۇرلىسىنا قارسىلار ء«جۇز جىلدىق جالعىزدىق» كىتابىن وقىعاننان كەيىن تۇسىنەدى» دەگەن سوزىنە جاۋاپ بەردى.

بۇل تۋرالى Stan.kz  سايتى ارۋجان سايننىڭ facebook پاراقشاسىنداعى جازباسىنا سىلتەمە جاساي وتىرىپ حابارلايدى.

«پانتەون قۇرلىسىنا قارسى، ء«جۇز جىلدىق جالعىزدىق» كىتابىن وقىعان ادام رەتىندە  مەن قايتىس بولعاننان كەيىن مينيستر پانتەونعا جەرلەمەكشى بولىپ جاتقان ادامداردىڭ ءتىزىمىن بىلگىم كەلەدى. ولاردىڭ وزىنەن قايتىس بولعاننان كەيىن سول جەردە «جاتقىلارى» كەلەدى ما؟، جوق پا؟ سونى سۇراپ بىلگىم كەلەدى. مۇمكىن ولاردىڭ اراسىندا ءبولىنىپ وتىرعان 79 ميلليوندى، (اقىرى وسى ادامدار ءۇشىن بولگەن ەكەن) ءتىرى كەزىندە دەنساۋلىعى مەن ومىرىنە پايدالانعىسى كەلەتىندەر بار شىعار»،-دەيدى ارۋجان ساين.

قاعام بەلسەندىسى  سوڭعى ون جىلدا ناۋقاس بالالارعا جينالعان قارجى مەن سونىڭ ارقاسىندا قانشا ءبۇلدىرشىننىڭ دەنساۋلىعى، ءومىرى جاقسارعانىن ناقتى ساندارمەن ايتىپ ءوتتى.

«مىسالى،  قازاقستاندىقتار سوڭعى ون جىلدا  ناۋقاس بالالار ءۇشىن 2 ميلليارد تەڭگە جيناعان. وسى قارجىنىڭ كومەگىمەن 1 410 بالانىڭ دەنساۋلىعى مەن ءومىرىن جاقساردى. وسىدان ارتىق باعالى نە بار؟»،-دەپ سۇراق تاستايدى قوعام بەلسەندىسى.

ارۋجان ساين ازاماتتارعا پانتەون قۇرلىسىن تالقىلاۋدىڭ ءوزى ارتىق ەكەنىن ايتادى. ودان دا وسى قارجىعا اۋرۋحانا، بەيىمدەۋ ورتالىقتارىن سالۋعا، دارىگەرلەردىڭ ساۋاتى مەن تاجىريبەسىن ارتتىرۋعا جۇمسالسا دەگەن ۇسىنىس ايتادى.

«79 ميلليارد دەگەن قانداي ۇلكەن قارجى. ال، ناۋقاس  ادامدارعا بەرىلەتىن  كومەك اقى 10 اەك كولەمىندە. مينيسترلەردىڭ وسىنداي ۇسىنىستارى ەڭ كونبىس ادامداردىڭ باس كوتەرىپ، اشۋىن وياتۋ ءۇشىن ايتىلاتىن سياقتى. ءومىر ءسۇرۋىمىز ءۇشىن بارلىق جاعداي جاسالىپ، ەندى ولىمگە دايىندالۋ عانا قالعان سياقتى مىنا باستامالار. ادام ومىردەن وتكەننەن كەيىن حالقى ءۇشىن ىستەگەن تىرلىكتەرىمەن جۇرت ەسىندە ماڭگى  قالادى. ۇرپاعى ماقتان ەتىپ ايتاتىن جاقسىلىعى بولادى. مەن ءوزىنىڭ اتاقتى شىعارماسىن جازعان كەزدە ماركس قازىر ايتىلىپ وتىرعان ەسسىز شىعىندار جايلى ايتپاعانىنا سەنىمدىمىن»،-دەپ قورىتىندىلادى ءوز ءسوزىن ارۋجان ساين.

مينيستر ارىستانبەك مۇحامەديۇلى بۇعان دەيىن استانا تۇرعىندارىنىڭ الدىندا ەسەپ بەرۋ كەزىندە ” پانتەون ءاربىر مەملەكەتتە بار، سونداي-اق ول بىزگە قاجەت زات” دەگەن بولاتىن.

ايسۇلۋ تۇرسىنباەۆا

Abai.kz