جەرگىلىكتى بيلىك وكىلدەرى ەشقانداي «جەر بەرۋ» كوزدەلمەگەنىن مالىمدەپ، ۇزىن-سونار كەزەكتىڭ الەۋمەتتىك جەلىلەردەگى «ارانداتۋلار» مەن الىپقاشپا سوزدەردىڭ ناتيجەسىندە پايدا بولعانىن ايتتى.

استاناداعى تۇرعىن ءۇي باسقارماسىنىڭ باستىعى رۋسلان احمەتوۆ Tengrinews اگەنتتىگىنە بەلگىسىز بىرەۋلەردىڭ پاتەر نەمەسە 10 سوتىق جەر بەرىلەتىنى تۋرالى جالعان سمس حابار تاراتقانىن ايتقان.

«مەن قالانىڭ ءار تۇرعىنىنا استانا قالالىق اكىمدىگىنىڭ تۇرعىن ءۇي باسقارماسى اقپاراتتىق مازمۇنداعى ەسكەرتپەلەرىن رەسمي باق بەتتەرىندە جاريالايتىنىن جەتكىزگىم كەلەدى. ولاردىڭ قاتارىنا قالا اكىمدىگىنىڭ سايتى، تۇرعىن ءۇي باسقارماسىنىڭ ينتەرنەتتەگى بەتى نەمەسە باق، تەلەۆيزياداعى گازەت دەرەككوزدەرى جانە تاعى باسقالارى جاتادى»، - دەيدى احمەتوۆ.

«جەر تۋرالى» كودەكستە قازاقستاننىڭ ءار ازاماتىنا ءۇي سالۋعا 10 سوتىق جەردى مەنشىگىنە بەرۋ قۇقىعى قاراستىرىلعان. الايدا كوپتەگەن ءىرى قالادا بۇل قۇقىقتى جۇزەگە اسىرۋ توقتاتىلعان. بيلىك جەر تەلىمدەرىن تەك ينجەنەرلىك كوممۋنيكاتسيالار جاسالعان جەرلەردەن عانا بەرەتىنىن مالىمدەپ وتىر.