ەقىۇ دونباستاعى سايلاۋعا پوليتسيا جىبەرۋى مۇمكىن
ەۋروپاداعى قاۋىپسىزدىك جانە ىنتىماقتاستىق ۇيىمى (ەقىۇ) دونباستا جەرگىلىكتى سايلاۋ وتكىزەر الدىندا سەپاراتيستەر باقىلايتىن اۋدانعا پوليتسيا ميسسياسىن جىبەرۋدى قاراستىرىپ جاتىر. بۇل جونىندە ۇيىمنىڭ باس حاتشىسى لامبەرتو زاننەر مالىمدەدى.
(ەقىۇ-نىڭ دونباستاعى باقىلاۋشىلارى)
ونىڭ سوزىنشە، ءجۇز ادامنان قۇرالعان قارۋلى كۇش ميسسيا قۇرامىنا كىرۋى مۇمكىن. قازىر ۋكراينانىڭ شىعىسىندا ەقىۇ باقىلاۋشىلارى جۇمىس ىستەپ جاتىر. ولاردىڭ ءبارى اۋداندا ءبىتىم شارتىنىڭ ساقتالۋىن قاداعالاپ جۇرگەن قارۋسىز ادامدار.
ەقىۇ ۋكراينا پرەزيدەنتى پەتر پوروشەنكو سۇراعانداي، ميسسيا تەك دونباستاعى ەكى تاراپ كەلىسكەن جاعدايدا عانا وزگەرۋى مۇمكىن.
كيەۆ دونباسقا قارۋلانعان كۇشتى جىبەرۋدى قولدايدى، ال ماسكەۋ مەن سەپاراتيستەر كەرىسىنشە قارسى.
ۋكراينا بيلىگى وزدەرىنە باعىنبايتىن ايماقتاعى سايلاۋ تەك ەقىۇ-نىڭ حالىقارالىق پوليتسياتسيالىق ميسسياسى قاتىسقان كەزدە عانا مۇمكىن ەكەنىن بىرنەشە رەت ايتقان. ولار سونىمەن بىرگە شيەلەنىسكەن ايماقتان رەسەيلىك اسكەردى شىعارىپ، ەلدىڭ شىعىس شەكاراسىن وزدەرىنىڭ باقىلاۋىنا قايتارۋدى تالاپ ەتكەن.
كيەۆ جانە باتىس ەلدەرى ماسكەۋدى ۋكراينانىڭ شىعىسىنداعى سەپاراتيستەرگە كومەكتەسىپ كەلەدى، ول جاققا قارۋ-جاراق جەتكىزىپ وتىر دەپ ايىپتايدى. رەسەي بولسا بۇل ايىپتاۋلاردىڭ ءبارىن جوققا شىعارىپ، ۋكراينا بەيبىت پروتسەستى تەجەپ كەلەدى دەپ مالىمدەيدى.
اباي-اقپارات
