«كوك بازاردىڭ» ىشىندەگى اسحانالاردان تۇستەنەتىنىمىز بار. قاشان بارساق تا، الدىمىزدان توپتاسىپ، 20-30 حانزۋ ۇلتىنىڭ ادامدارى شىعا كەلەدى. "ولار بازاردا نە ىستەپ ءجۇر؟",  "ولاردى تەكسەرىپ جاتقان قۇزىرەتتى ورگاندار بار ما؟" دەگەن سەكىلدى سۇراقتار كوكەيىمىزگە ورالادى.

بۇگىندە وتىزدان استام قىتاي الدىمىزدى كەسىپ وتە بەردى. «كوك بازارداعى كوكونىستەر ساتىلاتىن قاتاردا ءار جەمىستى ءبىر ۇستاپ، باعاسىن سۇراعان بولادى.  اياقتى الشاڭ تاستايدى. ەركىن. ولاردىڭ بۇل جۇرىستەرى ءبىزدىڭ كاسىبي قىزىعۋشىلىعىمىزدى تۋدىرىپ: «كىم اعىلشىنشا بىلەدى؟» دەپ سۇرادىق. ىشىندەگى جولباسشىسىلارى ازداپ اعىلشىنشا سويلەيدى ەكەن.

- سىزدەر كىمسىزدەر؟ مۇندا نە قىلىپ جۇرسىزدەر؟ - دەدىك توتەلەتە.

- ءبىزدى قايتەسىڭ، ءوزىڭ كىمسىڭ؟ - دەدى جولباستاۋشى فوتواپپاراتىمىزدى قولىمەن يتەرىپ تاستاپ.

- جۋرناليست ەدىك، قر زاڭى بويىنشا ءبىز كەز-كەلگەن جەردەن اقپارات الۋعا قۇقىلىمىز، - دەدىك ءبىز.   

سول-اق ەكەن جولباستاۋشى باسقاشا سايراپ قويا بەردى.

«بۇل كىسىلەر تۋريستتەر، ەرتەڭ قىتايعا قايتادى. بىدى، بىدى..»

بۇل ءبىر عانا دەرەك. «كوك بازارداعى» ساتۋشىلار بۇلاردىڭ سوڭعى كەزدە تىم كوبەيىپ كەتكەنىن ايتادى. ءبىزدىڭ ەلىمىزدە قازىر ءدال وسىنداي «تۋريستەردىڭ» قانشاسى ءجۇر؟ بەلگىسىز...

«كوك بازار» - قالتالى تۋريستەر ارالايتىن ساۋدا ورتالىعى ەمەس. بۇل – ارزان ازىق-تۇلىك ساتىپ الاتىن جەر. مۇنداي بازاردا ۇزاق مەرزىمگە جەتەتىن ازىق-تۇلىك الۋشىلار جۇرەدى.

ءبىزدىڭ الدىمىزدان شىققان وسى وتىز ادام وتىز وتباسىنىڭ ازىق-تۇلىگىن ساتىپ الىپ جۇرگەندەر ەمەس پە؟ كۇدىك دەگەن جامان عوي. ولار «قازاق جەرىن جالعا الىپ، ودان شىققان ءونىمدى قانشاعا ساتامىز؟» دەپ ارماننىڭ اق پىراعىنا مىقتاپ مىنگەندەر بولۋى دا ابدەن مۇمكىن عوي.

ءسىز نە دەيسىز؟

ءتۇيىن: بۇگىن قىتاي وكىمەتى ارنايى بۇيرىق شىعارىپ، قازاقستاندا ەرتەڭ بولۋى ىقتيمال ميتينگكە بايلانىستى ءوز ازاماتتارىن ساق بولۋعا شاقىرىپتى. ولاردىڭ قاۋىپسىزدىگى مەن ساقتىعىن، ارينە، ءبىزدىڭ قۇقىق قورعاۋ ورگاندارى ءوز مويىندارىنا جۇكتەپ وتىر. سونداي-اق، قازاقستانداعى قىتاي ازماتتارىنىڭ حال-احۋالىنا قحر-مەن ارادا ساۋدا-ساتتىقتىڭ ىڭعايىمەن شاپقىلاپ، قىتاي كاسىپكەرلەرىمەن قويان قولتىق قارىم-قاتىناس جاسايتىن قر ازاماتتارى دا الاڭدايتىن شىعار...

ءشارىپحان قايسار

Abai.kz