شىمكەنتتە التىنشى شاقىرىلىمداعى وڭتۇستىك قازاقستان وبلىستىق ءماسليحاتتىڭ كەزەكتەن تىس 4-سەسسياسى ءوتتى. جيىندا وبلىس اكىمى بەيبىت باكىرۇلى وزىنە جۇكتەلگەن فۋنكتسيالار مەن مىندەتتەردىڭ ورىندالۋى تۋرالى ەسەپ بەردى. ءار سالاعا توقتالعان ءوڭىر باسشىسى بەس جىلعا جوسپارلانعان بارلىق تاپسىرما كەزەڭىمەن جۇزەگە اسىپ جاتقانىن مالىمدەدى.

بۇگىندە وبلىستا جەتى يندۋستريالدى ايماق تابىستى جۇمىس ىستەپ، تورتەۋىندە ينفروقۇرىلىم جۇرگىزىلۋدە. ايماقتاردى يندۋستريالدى-يننوۆاتسيالىق دامىتۋدىڭ مەملەكەتتىك باعدارلاماسى اياسىندا 27 ملرد تەڭگەگە 16 جوبا ىسكە قوسىلعان. جالپى يندۋستريالدىق ايماقتاردا 52 جوبا ىسكە اسىرىلىپ، 4 025 جۇمىس ورنى اشىلدى. التى ايدا ونەركاسىپ ورىندارىمەن 384 ملرد تەڭگەنىڭ ءونىمى ءوندىرىلىپ، وبلىس بيۋدجەتىنىڭ كولەمى 5,3 پايىز ارتتى. ءوسىم بويىنشا وبلىس رەسپۋبليكادا الدىڭعى قاتاردا.

نەگىزگى باسىم باعىتتاردىڭ ءبىرى وبلىسىمىزعا ينۆەستيتسيا تارتۋ بولىپ تابىلادى. وسى ماقساتتا «Ontustik Invest-2016» حالىقارالىق ينۆەستيتسيالىق فورۋمى وتكىزىلىپ، ەۋروپا جانە ازيا ەلدەرىنە رەسمي ءىس-ساپارلار ۇيىمداستىرىلۋدا.

بۇگىنگە دەيىن شەتەلدىك ينۆەستورلاردىڭ قاتىسۋىمەن جالپى قۇنى 2 ملرد. اقش دوللارىنان استام 24 جوبا ىسكە اسىرىلۋدا.

كاسىپكەرلىكتى قولداۋ ماقساتىندا «بيزنەستىڭ جول كارتاسى 2020» باعدارلاماسىمەن 6 ايدا 54 ملرد. تەڭگەگە 117 جوبا ماقۇلدانىپ، 983 جۇمىس ورنى اشىلدى. جالپى باعدارلاما قاتىسۋشىلاردان بيۋدجەتكە 6,7ملرد. تەڭگە سالىقتار ءتۇسىپ، وتكەن جىلمەن سالىستىرعاندا 409 ملن. تەڭگەگە ارتتى.

«كاسىپكەرلەرگە قىزمەت كورسەتۋ ورتالىعىمەن» 19 905 كاسىپكەرگە كومەك كورسەتىلدى.

ءوڭىرىمىزدىڭ اگرارلى ەكەنىن ەسكەرسەك، اۋىل شارۋاشىلىعىنىڭ دامۋىنا ەرەكشە نازار اۋدارىلۋدا.

سالانى قولداۋعا جالپى 29 ملرد. تەڭگە باعىتتالىپ وتىر.

ەگىس كولەمىن ۇلعايتۋ، يەسىز جەرلەردى يگەرۋ، زاماناۋي تەحنولوگيامەن تامشىلاتىپ سۋعارۋ ءادىسىن كەڭىنەن ەنگىزۋ، جىلىجاي جانە قارقىندى باۋ قۇرىلىستارى، مال باسىن اسىلداندىرۋ بويىنشا جۇمىستار جۇرگىزىلۋدە.

جىل باسىنان فەرمەرلەرگە «ىرىس» قارجىلاندىرۋ ۇيىمى ارقىلى تومەنگى پايىزبەن 486 جوبانى قارجىلاندىرىلۋعا 1,2 ملرد. تەڭگە كولەمىندە نەسيە بەرىلدى.

«سىباعا»، «التىن اسىق»، «قۇلان» باعدارلامالارىمەن 35 مىڭنان اسا مال باسى ساتىپ الىندى.

4000 استام ۇساق شارۋاشىلىقتاردى بىرىكتىرەتىن 47 كووپەراتيۆتەر قۇرىلىپ، 9 متس اشىلدى.

ءبىرىنشى جارتىجىلدىقتىڭ قورىتىندىسى بويىنشا اۋىل شارۋاشىلىعى جالپى ءونىم كولەمى 123 ملرد.تەڭگەنى قۇراپ، 2 پايىز ارتتى.

سونداي-اق، ءتيىستى مەرزىمدە اپاتتى جاعدايداعى 11 جانە ءۇش اۋىسىمدى 9 مەكتەپتىڭ قۇرىلىسى اياقتالدى. حالىقتى ساپالى اۋىز سۋمەن قامتۋ، گازداندىرۋ ماسەلەلەرى دە جوسپارعا سايكەس جۇزەگە اسىرىلۋدا. قالا، اۋداندارداعى ءبىرىنشى كەزەكتە ورىندالاتىن تاپسىرمالار يندۋستريالدىق كارتاعا ەنگىزىلگەن. مۇنى جاقسى بىلەتىن حالىق قالاۋلىلارى كوپشىلىكتى تولعاندىراتىن ماسەلەلەرگە اسا كوڭىل ءبولۋ قاجەتتىگىن ناقتىلادى.

جيىندا سولتۇستىك وڭىرلەرگە قونىستانعان جەرلەستەرىمىزدى قولداۋ ءۇشىن اۋداندارمەن جەكە باۋىرلاس بولۋ جونىندە ۇسىنىس تا جاسالدى. ەلباسىنىڭ تاپسىرمالارىنىڭ جەرگىلىكتى جەرلەردە ورىندالۋىن وبلىس باسشىسىمەن بىرگە قامتاماسىز ەتكەن دەپۋتاتتار بەيبىت اتامقۇلوۆتىڭ جۇمىسىنا جاقسى دەگەن باعا بەردى.

Abai.kz