شىمكەنتتە قالا كۇنىنە ارنالعان مەرەكەلىك شارا اياسىندا وبلىستىق وپەرا جانە بالەت تەاترىندا «شىمكەنت ارۋى - 2016» ۇلتتىق ارۋلار بايقاۋى ءوتتى. قالا اكىمدىگى تاراپىنان ۇيىمداستىرىلعان سۇلۋلار سايىسىنا شاھارىمىزداعى 16-23 جاس ارالىعىنداعى 16 قىز قاتىسىپ، ءوزارا باق سىناستى. 

ايتا كەتەرلىگى، 1997 جىلدان بەرى وتكىزىلىپ كەلە جاتقان ءداستۇرلى بايقاۋ ءۇش كەزەڭنەن تۇردى. ءبىرىنشى قاتىسۋشىلار شىعارماشىلىق تۇرعىدا ءوزىن تانىستىرسا، ەكىنشى كەزەكتە زياتكەرلىك بايقاۋىندا بىلىمدىلىگىن پاش ەتتى. ال سوڭعى تۋر ءسان شوۋىنا ۇلاستى. ءۇش كەزەڭنىڭ قورىتىندىسىنا ساي ءۇش نوميناتسيا بويىنشا جەڭىمپازدار تاڭداپ الىندى. وسى رەتكى بايقاۋدا باسەكەلەستىكتى ارتتىرا ءتۇسۋ ءۇشىن باعالاۋ تاسىلىنە ونلاين داۋىس بەرۋ ءادىسى قوسىلدى. 

وسىلايشا قازىلار شەشىمىمەن «شىمكەنت ارۋى - 2016» بايقاۋىنىڭ جەڭىمپازى بەكجىگىت توعجان، ءى-ءشى ۆيتسە ميسس فايزۋللا ايىپجان، ءىى-ءشى ۆيتسە ميس دايانا سادۋاقاسوۆا اتانسا، كورەرمەن كوز ايىمى اتالىمى بويىنشا ساليما بەيسەنعاليەۆا جەڭىپ الدى. 

اتالمىش بايقاۋ جەڭىمپازدارىنا 165 مىڭ تگ كولەمىندە جۇلدە قورى بەلگىلەنگەن. سونداي-اق، سۇلۋلار سايىسىنىڭ باس جۇلدەگەرى الدا وتەتىن رەسپۋبليكالىق «قازاقستان ارۋى» بايقاۋىنا جولداما الدى.

Abai.kz