وڭتۇستىك قازاقستان وبلىسىندا ەل تاۋەلسىزدىگىنىڭ 25 جىلدىعىنا وراي، «بۇل - ءبىزدىڭ تاۋلار» فەستيۆالى ءوتتى. بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

داستۇرگە اينالعان شارا بيىل وقو، تولە بي اۋدانى، سايرام-وگەم مەملەكەتتىك ۇلتتىق پاركىندە وتكىزىلدى. فەستيۆالعا وڭتۇستىك قازاقستان وبلىسى كاسىپكەرلىك، يندۋستيريالدى-يننوۆاتسيالىق دامۋ جانە تۋريزم باسقارماسىنىڭ باسشىسى م.قاراباەۆ جانە وبلىس تۇرعىندارى مەن قوناقتارى، بلوگەرلەر جانە بۇقارالىق اقپارات قۇرالدارى وكىلدەرى قاتىستى.

ايتا كەتەيىك، ءىس-شاراعا قاتىسۋشىلار وگەم تاۋ جوتاسىنىڭ شىعىسى جاعىندا ورنالاسقان «تاۋەلسىزدىك» شىڭىن باعىندىرۋمەن قاتار، سۋرەتشىلەردىڭ سايىسىنا دا قاتىستى. سونداي-اق، ارنايى جول كورسەتۋشىلەرمەن تاۋعا شىققان جاستار 2200 مەتر بيىكتىكتى باعىندىرىپ، ءوز الدارىنا رەكورد جاڭارتتى.

بۇدان بولەك، “Bal Tekstil” كىلەم توقىما فابريكاسىنىڭ دەمەۋشىلىگىمەن ء«بىز تۋريزم جانە ەكولوگيامەن بىرگەمىز» قايىرىمدىلىق شاراسى وتكىزىلدى. اتالعان شارا قوعامداعى وزەكتى ماسەلە - اتا-انا قامقورلىعىنان ايىرىلعان جاندارعا ارنالدى. فەستيۆال قورتىندىسى بويىنشا بەلسەندى جاستار مەن سۋرەتشىلەر ماراپاتتالىپ، جەڭىمپازدارعا ارنايى سىيلىقتار تابىستالدى.

اباي اقپارات