جىل سايىن ەلىمىزدە حالىقتىڭ ءال اۋقاتىن ارتتىرۋ ماقساتىندا باسپانا الۋ ماسەلەسى جۇيەلى جولعا قويىلىپ كەلەدى. وسى رەتتە، ەلباسى ۇكىمەتكە «قولجەتىمدى تۇرعىن ءۇي-2020» باعدارلاماسىن ناقتىلاۋدى تاپسىرعان بولاتىن. اتالعان باعدارلاما اياسىندا تۇركىستان قالاسىنداعى جاڭادان بوي كوتەرىپ كەلە جاتقان «وتىرار» شاعىن اۋدانىندا 5 قاباتتى 2 تۇرعىن ءۇي قۇرىلىسى بىتۋگە تايادى.

بيىلعى جىلدىڭ سوڭىنا قاراي جاڭا پاتەرلەر تۇرعىن ءۇي كەزەگىندە تۇرعان ازاماتتارعا بەرىلمەك.

وسى كەزەكتە قازاقستان يپپوتەكالىق كومپانياسى ارقىلى 9 قاباتتى 2 ءۇيدىڭ قۇرىلىسى جۇرگىزىلىپ جاتقاندىعى بەلگىلى. جاقىن كۇندە مۇندا دا زامان تالابىنا ساي باسپانالار تۇرعىندار يگىلىگىنە بەرىلەتىن بولادى.

سونداي-اق، جەرگىلىكتى تۇرعىندار ءۇشىن قۋانشتى حابار – جاڭا شاعىن اۋداننىڭ ماڭىنان تاعى دا 8 ءۇيدىڭ قۇرىلىسى باستالماق. بۇل ۇيلەردى كەلەسى جىلى پايدالانۋعا بەرۋ جوسپارلانۋدا.

ايتا كەتەيىك، وتكەن  جىلى شىمكەنتتە «نۇرلى جول» باعدارلاماسى اياسىندا 4271 پاتەرلى 74 تۇرعىن ءۇي پايدالانۋعا بەرىلگەن بولاتىن.

وڭىردە تۇرعىنداردى باسپانامەن قامتۋ ماسەلەسىنە توقتالعان اكىم: «وتكەن جىلى شىمكەنتتە «نۇرلى جول» باعدارلاماسى اياسىندا 4271 پاتەرلى 74 تۇرعىن ءۇي پايدالانۋعا بەرىلدى. ال وسى جىلى وبلىس بويىنشا 1 816 پاتەرلىك 115 ءۇيدى تاپسىرۋ كوزدەلگەن»،-دەدى.

ونىڭ سوزىنە قاراعاندا، بيىل تاپسىرىلاتىن ۇيلەردىڭ 35-ءى، ياعني 1260 پاتەر شىمكەنت قالاسىندا پايدالانۋعا بەرىلەدى.

تاراتىلعان مالىمەتكە قاراعاندا، 2015 جىلى 104 ءبىلىم وشاعىنىڭ قۇرىلىسى ءجۇرىپ، 66-سى تاپسىرىلدى. ناتيجەسىندە، 30 اپاتتى، سونداي-اق ءۇش اۋىسىمداعى 3 مەكتەپتىڭ ماسەلەسى شەشىلدى.

اباي اقپارات