بۇگىن استاناداعى ۇلتتىق مۇراجايدا ساعات 16:00 دە م.اۋەزوۆ اتىنداعى قازاق مەملەكەتتىك دراما تەاتر مۇراجايىنىڭ «تاريح تولقىنىنداعى تەاتر شەجىرەسى» اتتى كورمەسىنىڭ اشىلۋ سالتاناتى بولادى.

 قازاقستان رەسپۋبليكاسى تاۋەلسىزدىگىنىڭ 25 جىلدىعى اياسىندا ۇلتتىق مۇراجايدا م.اۋەزوۆ اتىنداعى قازاق مەملەكەتتىك دراما تەاتر مۇراجايىنىڭ «تاريح تولقىنىنداعى تەاتر شەجىرەسى» اتتى كورمەسى قىركۇيەك ايىنىڭ 20 مەن قازان ايىنىڭ 6 ارالىعىندا وتەدى.

قازاق ونەرىنىڭ قارا شاڭىراعى - م.اۋەزوۆ اتىنداعى قازاق مەملەكەتتىك دراما تەاترى مۇراجايىنىڭ 48 جىلدىق تاريحى بار.

تەاتر مۇراجايى ول – قازاقتىڭ تەاتر جانە كينو ونەرىندە تەرەڭ ءىز قالدىرعان، اتاقتى تۇلعالاردىڭ ءومىرىنىڭ اياۋلى ساتتەرىندەگى جارقىن بەينەسى. مۇراجاي جادىگەرلەرى اراسىندا ايگىلى تەاتر جانە كينو اكتەرلارىنىڭ سيرەك كەزدەسەتىن فوتوسۋرەتتەرى، ءار جىلدارداعى ساحنالىق كيىمدەرى، افيشالار، سپەكتاكلدەردىڭ ماكەتتەرى مەن ەسكيزدەرى، تەاتر ونەرى مايتالماندارىنىڭ پورترەتتەرى جانە تاعى باسقا قۇندى زاتتار ساقتالعان. تەاتردىڭ 90 جىلدىق عۇمىرىنان سىر شەرتەتىن وسىناۋ جادىگەرلەر بۇگىنگى قازاقستان رەسپۋبليكاسى تاۋەلسىزدىگىنىڭ 25 جىلدىعى ارنالعان كورمەگە قويىلىپ وتىر.

كورمەنىڭ سالتاناتتى اشىلۋىنا كسرو حالىق ءارتيسى، مەملەكەتتىك سىيلىقتارىنىڭ لاۋرەاتى، م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ كوركەمدىك جەتەكشىسى – ءاسانالى ءاشىموۆ، قازاقستاننىڭ حالىق ءارتيسى، پروفەسسور، كەڭەسشى – ەسمۇحان وباەۆ، قازاقستاننىڭ ەڭبەك سىڭىرگەن قايراتكەرى، قازاقستان جاستار وداعى سىيلىعى لاۋرەاتى، تەاتر ديرەكتورى – ەرلان ءبىلال، قر ەڭبەك سىڭىرگەن قايراتكەرى،  حالىقارالىق «الاش» سىيلىعىنىڭ لاۋرەاتى، قر جۋرناليستيكا اكادەمياسىنىڭ اكادەميگى – ءاليا بوپەجانوۆا جانە ت.ب. ونەر مايتالماندارى قاتىسادى.

كورمە تۋرالى قوسىمشا اقپاراتتى

مىنا تەلەفوندار بويىنشا الۋعا بولادى: 378-54-80

 تەاتردىڭ ءباسپاسوز قىزمەتى