تولەبي اۋدانىندا بيداي وراعى اياقتالدى. بيىلعى ءونىم مول بولىپ، شارۋالاردىڭ كوڭىلى جاي تاپتى. بىلتىر  2015 جىلى  19071 گەكتار جەرگە ءداندى-داقىل ەگىپ، گەكتارىنا 24,1 تسەنتنەردەن ءونىم العان ديقاندار، بيىلعى   تۇسىمدىلىكتى گەكتارىنا ورتا ەسەپپەن 27 تسەنتنەرگە جەتكىزدى. 

ەگىس القابى 20613 گەكتار، ونىڭ ىشىندە 13369-ى بيداي، 7244-ءى ارپا. بيداي، ارپالار تولىعىمەن ورىلىپ،  قامباعا قۇيىلدى.  بارلىعى 55591,8  توننا ءونىم جينالدى.  بيداي  37471,3 توننا. ارپا  18120,5 توننا شىقتى. بيىلعى ءتۇسىمنىڭ  مولدىعىن شارۋلار جاۋىن-شاشىننىڭ  كوپ تۇسۋىمەن جانە سۋبسيديالانعان تىڭايتقىشتىڭ جەتكىلىكتى بولۋىمەن تۇسىندىرەدى.

75 كومباين، 153 جۇك اۆتوكولىكتەرى جۇمىلدىرىلىپ، ءداندى-داقىلدار ىسىراپسىز جيناپ الىندى. ارزانداتىلعان جانار-جاعار مايمەن تولىقتاي قامتاماسىز ەتىلدى.

تولەبي اۋدانىندا قۇربان ايت مەرەكەسىندە ەلۋ ءىرى قارا قۇرباندىققا شالىندى

"ادس- اگرو" جشس -ءنىڭ مال سويۋ الاڭشاسىندا وڭتۇستىك ءوڭىرى بويىنشا جەكە كəسىپكەرلەردىڭ ۇيىمداسۋىمەن ەلۋ ءىرى قارا سويىلىپ، جاعدايى تومەن، از قامتىلعان وتباسىلارعا تاراتىلۋدا. "ادس-اگرو" جشس- نىڭ باسشىسى د.احتاەۆ ءوز تاراپىنان بەس ءىرى قارا مال قۇرباندىققا شالدى. ەتپەن قوسا كوكسəيەك اۋىلدىق وكرۋگىندەگى مەكتەپتەردە وقيتىن تۇل جەتىم، جارتىلاي جەتىم، جاعدايى تومەن جانۇيالاردىڭ بالالارىنا مەكتەپكە وقۋ-قۇرالدار مەن ازىق-تۇلىك تاراتتى. ايت مەرەكەسىنە داستارقان جايىلىپ، اس بەرىلۋدە. وسىنداي ازاماتتارىمىز كوپ بولسىن.

Abai.kz