ەل تاۋەلسىزدىگىنىڭ 25 جىلدىعى اياسىندا رەسپۋبليكامىزدا بىرقاتار وڭدى ىستەر اتقارىلىپ كەلەدى. بۇل باعىتتا بۇگىندە وتىرار اۋدانىندا «جۇمىسپەن قامتۋ 2020 جول كارتاسى» باعدارلاماسى اياسىندا جۇيەلى جۇمىستار جۇرگىزىلىپ، مەملەكەتتىك باعدارلاما ءوز ۇدەسىنەن شىعىپ وتىر. جىل باسىنان بەرى باعدارلاماعا قاتىسۋعا 1524 ازامات ءوتىنىش بىلدىرگەن. قازىرگى تاڭدا جوسپارلانعان مەجە 106,9 پايىزعا ورىندالدى.

ونىڭ ىشىندە باعدارلامانىڭ I باعىتى «ينفراقۇرىلىمدى جانە تۇرعىن-ءۇي كوممۋنالدىق شارۋاشىلىقتى دامىتۋ ەسەبىنەن جۇمىسپەن قامتۋدى قامتاماسىز ەتۋ» بويىنشا 7 نىساندا 130 جۇمىس ورنى اشىلىپ، 67 جەرگىلىكتى ازامات جۇمىسپەن قامتىلدى. الداعى ۋاقىتتا قوسىمشا وسى باعىت بويىنشا 95 جۇمىس ورنى اشىلىپ، 50 ازاماتتى جۇمىسپەن قامتۋ كوزدەلۋدە.

II باعىت «كاسىپكەرلىك باستامانى ىنتالاندىرۋ» ارقىلى ەسەپتى مەرزىمدە 85 ادامعا 214,2 ملن. تەڭگە شاعىن نەسيە بەرىلىپ، وندا 99 جۇمىس ورنى اشىلدى. 15 ازامات كاسىپكەرلىك نەگىزدەرىنە وقىتىلدى.

باعدارلامانىڭ III باعىتى «جۇمىس بەرۋشىنىڭ قاجەتتىلىگى شەڭبەرىندە وقىتۋ جانە قونىس اۋدارۋ ارقىلى جۇمىسقا ورنالاسۋعا جاردەمدەسۋ» اياسىندا بوس جانە جاڭا جۇمىس ورىندارىنا 881 ادام تارتىلىپ، جىلدىق جوسپار 79,3 پايىزعا ورىندالدى.

سونىمەن قاتار، الەۋمەتتىك جۇمىس ورىندارى 38 مەكەمەدە اشىلىپ، وعان 121 ادام جولداندى. ال 89 جاس مامان جاستار پراكتيكاسىنا تارتىلدى.

مۇمكىندىگى شەكتەۋلى جانداردى جۇمىسپەن قامتۋ دا ءوز دارەجەسىندە ورىندالۋدا. ەسەپتى مەرزىمدە 84 ادام جۇمىسپەن قامتىلدى.

Abai.kz