بۇل تۋرالى ءوڭىر باسشىسى ب.اتامقۇلوۆ ىشكى ىستەر دەپارتامەنتىنىڭ قالالىق بولىمشەلەرىنىڭ جۇمىسىمەن تانىسۋ بارىسىندا ايتتى،-دەپ حابارلايدى "اباي-اقپارات" وقو اكىمىنىڭ ءباسپاسوز قىزمەتىنە سىلتەمە جاساي وتىرىپ.

ايماق باسشىسى قىزمەت بابىندا ەرلىكپەن قازا تاپقان پوليتسيا قىزمەتكەرلەرى مەن وسى سالادا ەڭبەك ەتكەن ارداگەرلەرگە قۇرمەت كورسەتۋ ءۇشىن شىمكەنت قالاسىنان ارنايى ساياباق سالۋ مۇمكىندىگىن قاراستىرۋدى تاپسىردى.

ساپارى بارىسىندا وبلىس اكىمى پوليتسيا بولىمشەلەرىنىڭ عيماراتتارىن ۋاقىت تالابىنا ساي رەتتەۋ ءۇشىن ۇسىنىس ەنگىزۋدى شىمكەنت قالاسىنىڭ اكىمى مەن ءتيىستى قۇرىلىمدىق بولىمدەردىڭ جەتەكشىلەرىنە جۇكتەدى.

سونداي-اق، قالا اكىمى قاراتاۋ اۋداندىق ىشكى ىستەر بولىمشەسىنىڭ عيماراتىن جاڭادان سالىنىپ جاتقان «شىمكەنت سيتي» اۋدانىندا سالۋدى ۇسىندى. بولىمشەنى جاڭا ينفراقۇرىلىممەن جابتىقتاۋ قاجەتتىگىن اتاپ وتكەن ءوڭىر باسشىسى جوبانى قولدادى.

ساپار سوڭىندا وبلىس اكىمى مەملەكەت تاراپىنان ءتارتىپ ساقشىلارىنا بارىنشا جاعداي جاسالىپ جاتقانىن جەتكىزىپ، لايىقتى جۇمىس جاساۋ ارقىلى  ەل سەنىمىن اقتاۋدى ايتتى.

انىقتاما: الداعى ءۇش جىلدا وڭتۇستىكقازاقستاندىق پوليتسيا قىزمەتكەرلەرى 350 دانا قىزمەتتىك كولىكپەن قامتىلاتىن بولادى. بۇل ءوز كەزىندە ولاردىڭ جۇمىس كورسەتكىشتەرىن جاقسارتىپ، ناتيجەلى جۇمىس جاساۋعا سەپ بولادى.

وقو اكىمىنىڭ ءباسپاسوز قىزمەتى