جولدا پوليتسيا قاپتاپ تۇراتىن تەك ءبىزدىڭ مەملەكەت پە دەپ ويلايمىن. الىس بارماي-اق مىنا قىتايدا دا ءجۇردىم. رەسەي جەرلەرىن باسىپ مونعول ەلىنە دە وتتىك. بايقاعانىم، قازاقستان شەكاراسىنان شىققان جۇرگىزۋشى تۇتقىننان بوساعانداي əسەردە بولادى ەكەن.

كەشە رەسەي شەكاراسىن باسىپ كەلگەن جولاۋشىلاردىڭ دا ايتقانى سول "جولى دا جاقسى راحاتتانىپ جۇرەسىڭ. جولدا 300-500 كم-دە ءبىر پوليتسيا تۇرسا تۇرادى. ونىڭ ءوزى بەت الدى توقتاتپايدى. ال قالاي قازاق شەكاراسىنا كىرەمىز، ءوزى مىڭ شۇقىر تەسىك جۇيكەنى جەپ كەلە جاتسا، اينالاسى 100 كم جولدا 9-10 جەردە پوليتسيا تۇرادى" دەيدى.

بۇل راسىمەن ماسقارا!

ۇيات! توناۋ!

پوليتسياعا حالىقتى توناتىپ وتىر!

جولدىڭ ءبəرىن اۆتوماتتاندىرۋ كەرەك. قامەرا، سپۋتنيك، باسقا دا باقىلاۋ ءتاسىلى جەتكىلىكتى.

تەحنيكا مەن تەحنولوگيا دامىعان كەز. وعان قاراجات تا جوق ەمەس. ازىن اۋلاق پوليتسيا جولدى "پوترۋليروۆات" ەتىپ ءجۇرۋ كەرەك. ال قالعان سوستاۆ قانداي دا شۇعىل جاعىدايعا دايىن تۇرۋى كەرەك. ال بىزدە ءبىر جەردە قازا بولسا، اينالادا تولىپ جۇرسە دە كەم دەگەندە ءبىر، ءبىر جارىم ساعات كۇتەمىز. سەبەبى ءبəرى "وحوتادا". پاترۋل ساقتاندىرىپ، الدىن الىپ باقىلاپ ءجۇرۋ كەرەك. تۇرىپ الىپ وحوتا جاساماۋ كەرەك.

بىزدە پوليتسيا قاتە جاساپ قويماۋىن قاداعالامايدى. كەرىسىنشە قاتە جاساسا ەكەن دەپ اڭدىپ جۇرەدى. قاتە جاساعانشا ەسكەرتپەيدى. قاتە جاساۋىڭدى كۇتىپ تۇرىپ "ايىپپۇل سالامىن" دەپ بوپسالايدى. مىسىلعا، وزدەرىڭىز كورىپ جۇرسىزدەر عوي. جاياۋ جۇرگىنشىلەر وتەتىن بەلگى تۇرعان جەردىڭ ارعى جاعىنا بارىپ، كۇتىپ تۇرادى. نەگە؟ جاياۋ جۇرگىنشىلەردى وتكىزبەسە ۇستاپ "ايىپپۇل سالامىن" دەپ بوپسالاۋ كەرەك ولارعا. ال شىندىعىندا ولار سول بەلگىنىڭ قاسىندا تۇرىپ سول قاتەلىكتىڭ ورىن الماۋىن قاداعالاۋ كەرەك.

سەرىك ءومىرتاي

Facebook-تەگى پاراقشاسىنان