ەگەر، "ۇشتۇعىرلى ءتىل" ساياساتىنا، "ساعاديەۆ رەفورماسىنا" وسىلايشا ۇندەمەي، كەلىسكەن سىڭايدا قالا بەرسەك، بولاشاقتاعى جاعدايىمىزدىڭ وتە جامان بولارى ايدان انىق.

سول جاماننىڭ باسى - "قازاقستان جازۋشىلار وداعى" دەگەن قوعامدىق ۇيىمنىڭ تۇبەگەيلى ادىرا قالماعى. ويتكەنى، اقىل-ەسى قوس تىلمەن قويىرتپاقتانعان، ءوز اتا ءتىلىنىڭ، باسقا سالا تۇرماق، ادەبيەتتە دە ەش ءباسى بولماس قازاقتان كەلەشەكتە ەشقانداي اقىن دا، جازۋشى دا شىقپايدى. ال، اقىنى، جازۋشىسى جوق ەل - كورگەنسىز ەل. كورگەنسىز ەلدىڭ كوسەگەسى ەشقاشان كوگەرمەيدى. ءبىز سونداي باقىتسىزدىققا بارا جاتىرمىز، ءۇن-ءتۇنسىز.
"و، سانكتا سيمپليتسيتاس!" ("و، سۆياتايا پروستوتا!") 

وسىدان التى عاسىر بۇرىن، ءوزىن ورتەپ جاتقان الاۋعا وتىن تاستاپ تۇرعان اڭقاۋ كەمپىردى كورگەندە، ايگىلى چەح قاھارمانى يان گۋس وسىلاي دەپتى، ولەردەي قاپالانىپ. ءبىزدىڭ قازىرگى جاعداي - تۇپ-تۋرا سول سورلى كەمپىردىكىندەي! قاپالى يان گۋس قانا جەتىسپەي تۇر بىزگە...

Facebook-تەگى پاراقشاسىنان