سەنبى, 5 ءساۋىر 2025
جاڭالىقتار 3190 0 پىكىر 7 قىركۇيەك, 2016 ساعات 16:37

قازاقستاندىق وقۋلىقتاردا "قىرىم تاقىرىبىن" تۇزەتتى

"مەكتەپ" باسپاسى وقۋلىقتارىندا قىرىمنىڭ رەسەيلىك ايماق دەلىنەتىن ابزاتسىن الىپ تاستاپ، تۇبەكتىڭ رەسەيمەن اننەكسيالانعانى تۋرالى اقپاراتىن تۇزەتتى.

بۇل جاعدايعا ريزا بولعان ۋكراينالىق تاراپ مەكتەپ وقۋلىقتارىنا تاراس شەۆچەنكونىڭ شىعارماشىلىعى تۋرالى ماتەريالدار قوسىلعانىن ەرەكشە اتاپ ءوتتى.

وتكەن جىلى جارىق كورگەن قازاقستاندىق تاريح جانە گەوگرافيا وقۋلىقتارىندا قىرىم "رەسەي فەدەراتسياسىنىڭ سۋبەكتى" دەپ كورسەتىلگەن. بۇل وقۋلىقتارداعى "قىرىم تاقىرىبى" توڭىرەگىندەگى جانجالدان سوڭ، ەلشىلىك قازاقستاندىق مەكتەپ كىتاپتارىنا ەرەكشە كوڭىل ءبولىپ وتىر.

رەسپۋبليكالىق "وقۋلىق" عىلىمي-تاجىريبەلىك ورتالىعى ديرەكتورىنىڭ ورىنباسارى ءادىلحان دۇيسەبەكتىڭ ايتۋىنشا، "مەكتەپ" باسپاسى وقۋلىقتارعا قوسىمشا پاراقتار باسىپ شىعارىپ، تۇزەتىلگەن نۇسقاسىن مەكتەپتەرگە تاراتقان. "قىرىم تۋرالى ءماتىندى ساراپشىلار جانە سىرتقى ىستەر مينيسترلىگىندەگىلەر تالقىلادى. وسىلايشا، وقۋلىق بۇۇ بەلگىلەگەن شەكاراعا ساي جازىلدى", - دەدى ول.

قازاقستان 2014 جىلى كوكتەمدە رەسەيمەن اننەكسيالانعان قىرىم ماسەلەسىندە بەيتاراپ ۇستانىم ءبىلدىردى. 2014 جىلى ناۋرىزدا بۇۇ باس اسسامبلەياسى قىرىمنىڭ ۋكراينادان ءبولىنۋى جونىندەگى رەفەرەندۋمنىڭ زاڭدىق كۇشى جوق ەكەنى تۋرالى قارار قابىلدادى.

اباي-اقپارات

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1504
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4226
46 - ءسوز

بىزگە بەيمالىم باراق حان

جامبىل ارتىقباەۆ 3126