شاردارا سۋ قويماسى جاعالاۋىن تۋريستىك ايماققا اينالدىرۋ، قالاداعى ەسكى اۋەجايدى ىسكە قوسۋ وبلىس باسشىلىعى مەن اۋدان اكىمدىگىنىڭ كۇن تارتىبىندەگى نەگىزگى ماسەلەلەردىڭ ءبىرى. بۇگىنگى تاڭدا ەكى ماسەلە بويىنشا دا اۋقىمدى جۇمىستار ءجۇرىپ جاتىر.

اۋەجايدى ىسكە قوسۋ تۋرالى. 

اەروپورتقا قاجەتتى جەرگىلىكتى ينفراقۇرىلىمدارمەن قامتاماسىز ەتۋ (سۋ، كارىز، ەلەكتر جەلىلەرى جانە كىرەبەرىس جول) جانە قورشاۋ، عيمارات سالۋ جۇمىستارى اۋداندىق بيۋدجەتتەن قارجىلاندىرىلادى. بۇگىنگى كۇنگە كىرەبەرىس جولدى ورتا جوندەۋگە ءتيىستى قارجىلار ءبولىنىپ، مەملەكەتتىك ساتىپ الۋ شارالارى جۇرگىزىلۋدە.

شاردارا سۋ قويماسى جاعالاۋىنان تۋريزم ايماعىن اشۋ تۋرالى.

وڭتۇستىك قازاقستان وبلىسى اكىمدىگىنىڭ  2015 جىلعى 26 قازانداعى №339 قاۋلىسىمەن ارنايى كوميسسيا قۇرىلىپ، كوميسسيا شەشىمىمەن شاردارا سۋ قويماسى جاعالاۋىنان جالپى الاڭى 255,3 گەكتار ورمان قورى جەر ۋچاسكەسىن ەلدى مەكەندەردىڭ جەر ساناتىنا اۋىستىرۋ جونىندە «جەر تەلىمىن تاڭداۋ اكتىسى مەن كەلىسىم بەرۋ» حاتتاماسى راسىمدەلگەن.

بۇگىنگى تاڭدا قر اشم-ءنىڭ ورمان قورىنداعى 255,3 گا جەردى شاردارا اۋدانىنىڭ ەلدى مەكەندەرىنىڭ جەر ساناتىنا اۋىستىرۋ جونىندەگى قاۋلى جوباسى قر ۇكىمەتىنىڭ قاراۋىنا ەنگىزىلگەن.

جوبا بويىنشا تاڭدالعان اۋماقتا دەمالىس – ساۋىقتىرۋ ورىندارى، قوناق ۇيلەر، كەمپينگتەر، ينۆەنتارلارمەن جابدىقتالعان سۋ ستانتسيالارى، ەسكەكپەن ءجۇزۋ بازاسى، بالىقشىلار مەن اڭشىلار ءۇيى، بالالار لاگەرلەرى جانە تاعى باسقا سپورتتىق ساۋىقتىرۋ وبەكتىلەرىن سالۋ جوسپارلانىپ، قوسىمشا جۇمىس ورىندارىن اشۋ جوسپارلانعان.

 شاردارا سۋ قويماسى مەملەكەتتىك مەنشىكتەگى «قازسۋشار» رمك-نىڭ باسقارۋىندا جانە دە ول جەرلەردە دەمالۋشىلاردىڭ بالىق اۋلاۋلارىنا ەشقانداي كەدەرگىلەر جوق. 

شاردارا سۋ قويماسى جاعالاۋىندا سەنبىلىكتەر وتكىزىلىپ، جۇيەلى تۇردە قوقىستان تازارتىلۋدا.

اۋدان اكىمدىگى تاراپىنان جوعارىدا اتالعان جۇمىستار قاتاڭ باقىلاۋعا الىنعان.

Abai.kz