قر ىشكى ىستەر ءمينيسترىنىڭ نۇسقاۋىنا سايكەس، وبلىس كولەمىندە «ۋچاسكە» جەدەل-پروفيلاكتيكالىق ءىس شاراسى وتكىزىلۋدە.

ءىس شارانىڭ ماقساتى – كوپقاباتتى ۇيلەردىڭ ءاربىر پاتەرىن، اۋلالاردى، جەكە ۇيلەردى ارالاپ، وندا تۇرىپ جاتقان ادامدار جايلى اقپارات ءبىلۋ جانە قارۋ يەلەرىن، ءىىو-دا ەسەپتە تۇراتىن تۇلعالاردى تەكسەرىپ، ولارمەن پروفيلاكتيكالىق جۇمىستار جۇرگىزۋ بولىپ تابىلادى.

«ۋچاسكە» ءىس شاراسىنا ىشكى ىستەر ورگاندارىنىڭ بارلىق قىزمەتتەرى جانە «ۇلتتىق ۇلان» اسكەريلەرى قاتىستىرىلىپ، كەشەندى تەكسەرۋلەر ۇيىمداستىرىلۋدا.   

اتالعان ءىس شارانىڭ 4-كۇنىندە  5000-عا جۋىق پاتەرلەر مەن جەكە ۇيلەر تەكسەرىلىپ، 3518 اكىمشىلىك  قۇقىقبۇزۋشىلىق، ونىڭ ىشىندە «مۇلدەم توزبەۋشىلىك» قاعيداتى بويىنشا 468 قۇقىقبۇزۋشىلىق انىقتالدى، سونداي-اق 37 تۇلعا پروفيلاكتيكالىق ەسەپكە الىندى.

ءىس شارا اعىمداعى جىلدىڭ 1 جەلتوقسانىنا دەيىن جالعاسادى.

وقو-دا جاياۋ جۇرگىنشىلەر قاتارىنا 500-دەن اسا وقۋشى قوسىلدى

وقو ءىىد جەرگىلىكتى پوليتسيا قىزمەتىنىڭ قىزمەتكەرلەرى  «نازار اۋدارىڭىز، بالالار!» جەدەل ءىس-شاراسى بارىسىندا №55 ورتا مەكتەبىندە ء«بىرىنشى سىنىپ جاياۋ جۇرگىنشىلەرىنە ارنالعان» اكتسياسىن وتكىزدى.

پوليتسەيلەر بالالارعا وقۋ جىلى بارىسىندا اسا ماڭىزدى جانە قاجەت بولاتىن جول بەلگىلەرىمەن تانىستىردى. وقىتىلعان تەوريالىق وقۋشىلاردى پراكتيكا جۇزىندە كورسەتۋ ءۇشىن جول قيىلىسىنا الىپ باردى. سونىمەن، جاياۋ جۇرگىنشىلەر قاتارىنا 500-دەن اسا وقۋشى قوسىلدى.

ناق وسى كۇنى وقۋشىلارعا «جولدوس كومەككە اسىعۋدا» ءمۋلتفيلمى كورسەتىلىپ، ءاربىر جاياۋ جۇرگىنشى بالاقايلارعا ەستەلىكتەر مەن فيلم ديسكىلەرى تاراتىلدى.

جىل باسىنان بەرى وڭتۇستىك قازاقستان وبلىسىندا جاياۋ جۇرگىنشى بالالاردىڭ قاتىسۋىمەن 246 جول كولىك وقيعاسى تىركەلگەن، ونىڭ ىشىندە 22 بالا قازا بولسا، 241 جاراقات العان.

Abai.kz