ورداباسى اۋدانىندا نىسانالى ماقساتتى پايدالانىلماي جاتقان جەرلەردى قايتارۋ جونىندە جۇمىسشى توپ قۇرىلىپ، العاشقى ءماجىلىسىن وتكىزدى.

اۋداندىق اۋىل شارۋاشىلىعى جانە جەر قاتىناستارى ءبولىمىنىڭ باسشىسى ب.دۇيسەمباەۆتىڭ مالىمدەۋىنشە، اۋداندا پايدالانىلماعان جەر كولەمى 7236 گەكتاردى قۇراعان.

اۋدان اكىمى ا.مامىتبەكوۆ بۇل دەرەكتى ستاتيستيكا باسقارماسى مەن كىرىستەر باسقارماسىنىڭ كورسەتكىشتەرىمەن سالىستىرۋدى ۇسىندى. سونىمەن قاتار، بۇگىنگە دەيىن ەسكەرتۋ جولدانعان، سوعان قاراماستان جەردى پايدالانباعان ازاماتتاردىڭ ءتىزىمىن ناقتىلاپ، جەردى ماجبۇرلەپ قايتارۋ ءۇشىن قۇجاتتاردى سوتقا جولداۋدى تاپسىردى.

جيىندا بوگەن اۋىلدىق وكرۋگىنىڭ اكىمى ب.شامەت ءوز اۋماعىنداعى قاراۋسىز جاتقان 295 گەكتار جەردىڭ ەگەسىن تابۋ قيىنعا سوعىپ جاتقانىن العا تارتىپ، مەكەنجايىن انىقتاي الماعاندىقتان ەسكەرتۋ دە جولدانباي وتىرعانىن جەتكىزدى.

ءوز كەزەگىندە، الماسبەك كەڭەسبەكۇلى اۋىل اكىمدەرىنە حالىققا قىزمەت كورسەتۋ ورتالىعىنىڭ كومەگىنە جۇگىنىپ، تۇگەندەۋ جۇمىسىن جۇرگىزۋدى جۇكتەدى.

مۇنان سوڭ، وتىرىس بارىسىندا اۋداندىق پروكۋراتۋرانىڭ پروكۋرورى س.ساپارىمبەتوۆ 2015 جىلى جولدانعان ەسكەرتۋ حاتتارىنىڭ ناتيجەسىن شىعاراتىن مەرزىمنىڭ جەتكەنىن تىلگە تيەك ەتتى.

جيىن سوڭىندا جۇمىسشى توپ مۇشەلەرىمەن اپتاسىنا ءبىر رەت جيىن وتكىزىپ، اتقارىلعان شارالاردى سارالاپ وتىرۋ كەلىسىلدى.

Abai.kz