سوزاقتا 1200 باس قاراكول قويى بىرىككەن اراب امىرلىكتەرىنە ەكسپورتتالدى. بۇل تۋرالى «اباي اقپارات» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

وڭتۇستىك قازاقستان وبلىسى سوزاق اۋدانىندا بۇگiنگi تاڭدا مال شارۋاشىلىعىمەن اينالىساتىن شارۋا قوجالىقتارىنىڭ ءبارi ەتتi قوي تۇرلەرiن وسiرۋمەن قارقىندى تۇردە اينالىسۋدا. ال سالا ماماندارى كوزىن تاپسا، قاراكول شارۋاشىلىعىنان كەلەر تابىستىڭ كول-كوسiر بولاتىنىن ايتادى.

ايتا كەتەيىك وسى باعىتتاعى جۇمىستاردى جانداندىرعان تەرىسكەيلىكتەردىڭ قاراكول مال شارۋاشىلىعىن دامىتۋ جونىندەگى جۇمىستارى ءوز ناتيجەسىن بەرە باستادى. بۇگىندە سوزاق اۋدانىندا ەكى بىردەي شارۋاشىلىق - «قۇمكەنت» جانە «قارا قۇر» وندىرىستىك كووپەراتيۆى قاراكول قويىن وسىرۋمەن اينالىسادى. 

سونىمەن قاتار، بيىلعى جىلدىڭ تامىز ايىندا «قارا قۇر» وندىرىستىك كووپەراتيۆى 1238 باس قاراكول توقتىسىن بىرىككەن اراب امىرلىكتەرىنە ەكسپورتقا شىعارىپ، ءتيىمدى باعادا ساتتى. شەتەلدىكتەردىڭ قوي الۋداعى تالاپتارىنان تولىقتاي شىققان كووپەراتيۆ جەتەكشىسى جىل سوڭىنا دەيىن تاعى دا بىرقاتار قاراكول قويىن شەتەلگە ساتۋدى جوسپارلاپ وتىرعانىن ايتادى.

ەستەرىڭزدە بولسا "Abai.kz" پورتالى وڭتۇستىك قازاقستاندىق شارۋالار قازاقتىڭ قاراكول قويىن ساۋدياعا ەكسپورتتايدى دەگەن اقپاراتتى حابارلاعان بولاتىنبىز. اۋىلشارۋاشىلىعى سەكتورىنداعى مال ەتىن ءام ونىمدەرىن ەكسپورتتاۋ وبلىستىق بيۋدجەتتىڭ قازانىن تولتىرىپ، شارۋالاردىڭ ءىسىن ىلگەرىلەتەرى ءسوزسىز.

دەرەككوزى. وقو اكىمىنىڭ ءباسپاسوز قىزمەتى

Abai.kz