بۇگىن ەلباسىنىڭ "100 ناقتى قادام» – ۇلت جوسپارى اياسىندا قازاقستاندىق بىرتەكتىلىكتى، قوعامدىق كەلىسىم مەن بىرلىكتى جاستار اراسىندا كەڭىنەن ناسيحاتتاۋ ماقساتىندا قۇرىلعان "وڭتۇستىك - دوستىق مەكەنى!" كەزدەسۋلەر كەرۋەنى جولعا شىقتى.

وڭتۇستىك قازاقستان وبلىستىق اسسامبلەيا حاتشىلىعى مەن «قوعامدىق كەلىسىم» كمم-ءنىڭ ۇيىمداستىرۋىمەن جولعا شىققان جۇمىس توبىنىڭ العاشقى كەزدەسۋلەرى سارىاعاش اۋدانىندا وتەدى.

اقپاراتتىق-ناسيحاتتىق توپ 21 قىركۇيەككە دەيىن وبلىسىمىزدىڭ بارلىق اۋدان، قالالارىندا 60-تان استام كەزدەسۋ ۇيىمداستىرۋدى جوسپارلاپ وتىر.

جەرلەسىمىز قىرعىزستاندا وتكەن اقىندار ايتىسىندا 1-ورىنعا يە بولدى

كورشىلەس قىرعىزستان رەسپۋبليكاسىندا كوشپەندىلەر ويىندارى ءوتىپ جاتقانى بەلگىلى. قىركۇيەك ايىنىڭ 3-نەن باستاپ ۇيىمداستىرىلىپ جاتقان شارا اياسىندا ەل ارالىق اقىندار ايتىسى ءوتىپ، وندا ەلىمىزدىڭ اتىنان قاتىسقان سارىاعاشتىق ايتىسكەر جارقىنبەك ناۋشابەكوۆ 1-ورىندى يەلەندى. 

ويىنداردىڭ نەگىزگى ماقساتى – الەمدەگى كوشپەندى حالىق وركەنيەتىنىڭ تاريحي مادەني مۇراسىن جاڭارتۋ جانە ساقتاۋ بولىپ تابىلادى. 

جارىستار ىستىقكول جاعاسىنداعى شولپان اتا قالاسىندا ءوتتى. ويىندارعا قازاقستاننان سپورتتىڭ 10-نان اسا تۇرىنەن سپورتشىلار قاتىستى. 

ستامبۇلدا ءتورت مەملەكەتتىڭ – تۇركى تىلدەس مەملەكەتتەر ىنتىماقتاستىعى كەڭەسىنىڭ قاتىسۋشىلارى (قىرعىزستان، ءازىربايجان، قازاقستان، تۇركيا) سپورت ۆەدومستۆولارىنىڭ باسشىلارى ويىنداردىڭ رەگلامەنتتەرىنىڭ ناقتى نۇسقاسىن بەكىتىپ، بۇكىلالەمدىك كوشپەندىلەر ويىندارىندا قىرعىزستان، ءازىربايجان، بەلورۋسسيا، قازاقستان، تاجىكستان جانە وزبەكستان سپورتتىق كوماندالارى قاتىستى. 

جالپى جارىستار باعدارلاماسىنا 26 ۇلتتىق سپورت ءتۇرى ەنگىزىلگەن.

Abai.kz